Cornaa (nom ufizial in italian: Cornate d'Adda; in del Medioev Coronate) l'è on comun brianzoeu del Vimercates, in sul fiumm Adda, che 'l cunta , cont ona superfiss de km² e ona densità de ab./km².
El se troeuva in la Provincia de Monza e Brianza, arent al confin cont i provincc de Milan (Trezz), de Bergom (Bottanugh, Suis e Medolagh), de Lecch (Verdee e Paderno). Cornaa el gh'ha tre frazion, ciamaa Colnagh, Port e Villa Paradis. Inoltra a gh'è on fracch de cassinn in de la zona. Storia La zonna l'è abitada de on bell poo de temp, almanch de l'epoca di Roman: a Villa Paradis l'è stada trovada ona veggia villa romana, menter a la Rocchetta de Port hann cattaa foeura i rest de ona cisterna. El paes el gh'ha 'vuu ona soa importanza perchè l'è staa chì arent che in del 689 l'è stada combattuda la Battaja de Cornaa (Coronate in latin): in questa, s'hinn combattuu el re di Longobard Cunipert e 'l sò nemis, el duca de Trent Alahis. La vittoria l'è stada del Cunipert, menter l'Alahis l'è s'cioppaa in del combatt. El resultaa de la battaja l'ha portaa la fin di revolt di duca longobard e l'ha dervii la strada a la conversion a la religion cattoliga de tutta la nazion germaniga (ghe n'era anmò tanti che eren arian, scismatigh o pagan).
In del XVIII secol gh'hann faa i lavorà per el Navili de Paderna; in quella istessa zonna, in di secol che hinn vegnuu dopo, hann faa sù on bell poo de centrai idroelettregh, che fonzionen anca al dì d'incoeu.
Evoluzion demografega
L'andament del numer di abitant del comun de Cornaa l'è mostraa in la tabella chi de sotta
Riferiment
Categoria:Comun brianzoeui Categoria:Comun de la provincia de Monscia e Brianza