El Musee de la Diocesi a l'è un musee religios de Bari, dedicad al patrimoni de l'Arcidiocesi de Bari-Bitonto, con sed al prim pian del Palazzi Arcivescovil e del Seminari.
El gh'ha una sed destacada a Bitonto, con sed in del vegg convent arent a la Gesa de San Franzesch.
Storia El musee l'è stad volud de l'Andrea Mariano Magrassi e l'è stad fad su el 7 de sgiugn 1981, con la sezzion de Bitonto che l'è verta del 1986, grazzia anca a l'impegn del Francesco Cacucci.
Collezzion El musee l'è spartid in cinch sezzion: Sala di scolture: con dent la storia architetonega del Dom de Bari, de l'origin paleocristiana ai evoluzzion lombarde e bizantine, se noten i oeuvere de l'Anseramo da Trani e del Peregrino da Salerno Pinacoteca: con dent quader de la Catedral e de alter gese de la cità veggia che vann del secol XVI al XVIII, gh'è di oeuvere de maester compagn del Tintoretto, del Veronese, de l'Andrea Bordone, del Corrado Giaquinto e del Paris Bordon. Gh'è anca una sezzion de iconografia russa Sala del tesor, indova che gh'è vari manufat per la liturgia con di materia prezzios, cont anca di bust reliquiari e di porta-oeuli Sale di Exultet e del Benedizzional, al center de l'esposizzion, con di test pasquai de l'area beneventana del secol XI Sala di parament, indova che gh'è di parament de vari tipi di secoi XV al XX
Riferiment Museo Diocesano - Sezione di Bari Museo Diocesano - Sezione di Bitonto
Alter proget
Diocesi