La Nathalie, pseudonim de Natalia Beatrice Giannitrapani (Roma, 16 de desember del 1979), l’è ona cantautris italiana.
Dopo diverse esperienze musicai l’è rivada a la notorietà a vincer la quarta edizzion del talent show X Factor. l’ha partecipad ona volta al Festivall de Sanrem (2011) e in la soa carriera l’ha lavorad insema a diversi artista italian e internazionai infra i quai el Franco Battiato, el Raf, Elio e le Storie Tese, la Skunk Anansie, el Lucio Fabbri, el Toni Childs e ‘l produtor di Oasis, l'Owen Morris.
Biografia La Nathalie la nass a Roma de du genitor nassud tucc du acidentalment in Africa: el pader italian, de origin siciliana, nassud in Tunisia e la mader, de nazzionalità belga, nassuda in la Republica Democratica del Congo.Nathalie: l'anima dolce del rock
El pincipi e i prim festivall La se’è vesinada al mond de la musica in del cors de la prima sgioventùVideochat de la Nathalie col Vincenzo Mollica in sul sito web del TG1, 1 de desember del 2010. quand che l’ha tacad a studià cant e musica, a scriver canzon in italian, in ingles e in frances e a mostràss in di locai de la capital. Intra la fin di ann 1990 e i prim ann del 2000 la Nathalie diversi volte l’ha fad de derva-concert per on quai artista e l’ha fad part de varie competizzion: in del 1998 l’è rivada 2ª a Spazzi avert e in del 2000 l’ha vinciud la quarta edizzion del Festivall Fuoritempo de Roma, in la categoria de quei che gh’hann men de 21 ann. Du ann dopo, l’ha vinciud el premi per la canzon mijora. In seguit l’ha dervid i concert del Max Gazzè, del Marco Parente, de La Crus e de l'Andrea Mirò. La sonad per tanti ann in di locai de Roma e de tuta Italia.
Prima de X-Factor
In l’estad del 2003 l’è stada intra i fondator del grup nu-metal/gothich-metal Damage Done, indove l’è stada cantanta e coautris. Con quell grup chì l’ha incis el demotape Thorns. El quartet in del masg del 2004 l’ha dervid el concert di Vision Divine e di Beholder al Blackout de Roma, donca l’è rivad al podi al Rock TV Contest, ligad al TIM Tour 2004.
La Nathalie l’ha continuad l'atività de solista e la partecipazzion ai gare de cant: in del mes de luj del 2005 l’ha fad i sò prime aparizzion curte in di canai satellitar de la RAI e, in seguit, in su Rai Radio 1, indove diverse volte l’è ciamada a cantà del viv i sò toch inedit.Videochat in su Rai Radio 1, 17 de fevrer del 2011. A otober del 2005 l’è rivada seconda al Biella Festival de Biella, inveci in del 2006 l’ha vinciud la seconda edizzion del Premi Demo-SIAE, e per quest l'ha ricevud on premi de 1.000 euri. Semper in de l’istess ann l’ha vinciud anca la sesta edizzion del MArteLive de Roma cont on toch che 'l diventarà veouna di sò canzon pussee importante, L'alba. Come premi per la vitoria, de l’istess toch l’è stad fad su on videoclip, ispirad al romanz Le avventure di Alice nel Paese delle Meraviglie (I aventure de l’Alice in del paes di maravilie). An’mò in del 2006 l’è rivada seconda al S.I.M., ona gara organizada de la Università Sapienza de Roma.
La se esibìss in su diversi palch de la scena romana, e la ten anca on concert in la cort de la sezzion feminil de la preson de Rebibbia.Cous Cous Unplugged, da Yuman a Nathalie: il programma - Sky TG24 In del 2009 l’ha dervid el concert d’on alter di sò grand idol, la Cristina Donà e l’è andada inanz con la collaborazzion 'me interpreter de dò canzon di colone sonore del film Trappola d'autore del Franco Salvia (2009) e de la serie televisiva Crimini (2010). A setember, a Comiso, l’ha vinciud el Demo's Lady Award.
La vitoria a X Factor e In punta di piedi In de l’autunn del 2010 l’è stada concorrenta de la quarta edizzion del talent show X Factor, in la categoria Over 25 guidada de l’Elio. Rivada in semifinal, e a havégh per regolament de cimentàss cont on toch inedit, l’ha minga acetad de cantà on toch che l'era stad scrivud per lee del Pacifico (nonostant l'opinion al principi contraria de l’Elio e di alter musicista che ghe vegniven adree), e inveci l’ha volsud ascàss con ona sua canzon inedita, In punta di piedi (In ponta de pè), composta in del 2009. La Nathalie l’è rivada in final e poeu l’ha vinciud el talent e l’ha firmad on contrat discografich de 300.000 euri con la Sony Music; dessorapù in final l’ha cantad in duet coi Skunk Anansie con l’interpretà You'll Follow Me Down, e l’ha ricevud el premi de la critega de la sala stampa e d’ona quai emitent radiofonica.
In punta di piedi l’è stad metud foeura come singol in sui piataforme digitai el 24 de november del 2010, dì adree a la semifinal de l’ X Factor. El toch l’ha debutad al prim post de la classifica FIMI. On EP, con el toch che ‘l gh’ha dad el nom e quater cover, inveci l’è vegnud foeura el 30 de november del 2010, e l’è rivad quell di tredes in classifica. El singol omonim l’è rivad al disco d'or grazzie ai pussee de 15.000 descaregament digitai.
Sanrem e Vivo sospesa In del desember del 2010 l’è diventad oficial che la Nathalie, l’ann adree, l’havariss fad part del Festivall de Sanrem 2011 in la categoria Artista. In del fevrer del 2011 la rilassa on'intervista al Vanity Fair Italia indove tra l’alter la critega la scerna di vallete del Festivall e i trasmission de la Maria De Filippi (el talent show Amici (Amis) e ‘l reality show Uomini e donne (Omen e done) cont el dì ciar e net che "l’è la materializazzion d’ona bruta television che la gh’ha on’efet secondari a livell cultural (...) Uomini e donne a l’è ona sorta de cancher", inveci Amici el ghe dariss di "aspetative false" ai cantant sgiovin, a spetacolarizà i persone e minga la soa musica.Nathalie: "Care vallette, belle e basta, Vanity Fair, 8 febbraio 2011 Dopo diversi anni l’ha did de havé ricevud ostracismo de l’ambient musical per quei dichiarazzion là. Dopo dò setimane la Nathalie la porta in sul palch del teater Ariston el toch Vivo sospesa (Vivi sospenduda). In del cors de la terza serada de la kermess, dedicada al 150º anniversari de l'Unità d'Italia, ha interpretad Il mio canto libero (El mè cantà liber) del Lucio Battisti (cover metuda dent in la compilescion celebrativa Nata per unire (Nassuda per trà insema), inveci in la quarta serada, concentrada sora i duet, l’è andada in sul palch con L'Aura. Vivo sospesa la s’è classificada al 7º post final.
El 16 de fevrer l’è vegnud foeura el so prim disco de inedit, intitolad Vivo sospesa. In del fevrer del 2011 la cantanta l’ha ricevud anca ona candidadura ai TRL Awards 2011 in la categoria Best Talent Show Artist. Dopo la partecipazzion a Sanrem la cantanta l’è stata ciapada cont el tor de reclam Vivo sospesa... in tour.
Ad avril la lavora cont el Raf adree al singol Numeri (I numer), tirad foeura de l’album omonim del cantant; in del toch a gh’è anca la partecipazzion del rapper Frankie hi-nrg mc.El 2 de masg, insema a l’Emma Marrone, ai Modà e al Raphael Gualazzi la ciapa part 'me ospit al programa televisiv musical Due de Rai 2, insema al Gianni Morandi e al Roberto Vecchioni. Del 6 de masg del 2011, va in rotazzion a la radio Sogno freddo (Sogn fregg), el second singol tirad foeura de l'album Vivo sospesa. IN del cors de l'estad 2011 la fa de derva-concert in d'ona quai tapa del tor Up Patriots to arms! di Franco Battiato.
El 5 de setember del 2011 l’è presentad in anteprima el videoclip del singol Mucchi di gente (Mucc de sgent) a Venezia in ocasion del Sony Ericsson Film Contest: se trata d’on video musical fad del regista Leandro Manuel Emede tut con on telefonin Xperia Arc. L'è metud foeura per el descaregament digital a partì del 9 de setember adree.
In del mes de setember, la cantautris la concorr anca al Premi Videoclip Italian edizzion 2011 cont el video musical di In ponta de pè con la regia del Roberto Saku Cinardi. El 27 de setember l’è ospit del Claudio Baglioni in la IX edizzion del Festival O' Scià de Lampedusa. In del november del 2011 l'è intra i dobiador del film d'animazzion Happy Feet 2, a dàgh la vos a la Gloria. In de l’autunn del 2012 la fa part d’on episodi de la serie televisiva I Cesaroni.
Anima di vento A sgiugn del 2013 la nonzia in sul sò cunt Twitter che l’è ‘dree a lavorà in su on album noeuv, che l’è antecipad del singol Sogno d'estate (Sogn d’estad) in collaborazzion col Raf. L'album Anima di vento (Anima de vent) l’è publicad el 17 de setember del 2013 e ‘l gh’ha denter alter dò collaborazzion importante: quella cont el Toni Childs e quella cont el Franco Battiato in del toch L'essenza. El 27 de setember 2013 el sortiss in rotazzion a la radio Anima de vento, toch che l'ha tolt el nom de l’album ominim;Nathalie, Anima di vento è il nuovo singolo | Testo | Musicfeed<!—Titol insgenerad in automatich--> el disco el debuta la prima setimana al post 20ºd e la classifica FIMI. In l’istess temp la Nathalie la ten cdi oncert de reclam: el 15 de november a l'Auditorium de la RSI a Lugan (Svizzera), el 17d e november ai Magazin Sgenerai de Milan, el 29 de november a l'Auditorium Parch de la Musica de Roma. El 24 sde genar del 2014 el vebnfoeura el sò singol noev tirad foeura de l’album Anima di vento,Nathalie, il video ufficiale de L'orizzonte L'orizzonte (L’orizont) . Olter ai trii singoi, l’è fad on quart videoclip per el toch L'essenza cont el Battiato, indove l’è protagonista l'atris e condutris Ilaria Fratoni. In primavera la ten di concert a Parigi e Bruxelles e de noeuv a Roma al Circol di Artista. La ciapa part al spetacol televisiv de Elio e le Storie Tese, Il Musichione in su Rai 2, e a la serata Una notte per Caruso - Premio Caruso 2014 (Ona not per el Caruso – premi Caruso 2014) in su Rai 1. Dopo Anima di vento la taja el contrat con la Sony per diversità artistiche e personai, desgià che la major la voleva on spostament del rock alternativ e di ballad vers on son pussee compagn del pop meinstrim.
In de l’autunn del 2014 ,la Nathalie la met foeura la cover in frances de L'anamour, canzon scrivuda del Serge Gainsbourg, per el cortometragg Dirsi addio (Dìss adio), tirad foeura d’ona storia de la Chiara Gamberale; l’è anca publicad on video coi imagin del film. In del luj del 2015 la Nathalie l'ha ricevud el Premi Lunezia "Menzion Special" per el valor leterari-musical de la canzon L'essenza.
Into the Flow Antecipad del singol Smile-in-a-Box (che in lengua inglesa el significa "Sorris in d’ona scatola"), in del masg del 2018 l'artista la publica el sò terz album in studi, Into the Flow (in lengua inglesa el significa "In la corrent"). Fad su de des tracce, a l’è on concept-album concentrad sora l’aqua e prodot de lee medema cont el Francesco Zampaglione e ‘l Luca Amendola. I son, olter al pop rock, tochen el soul e on rock men comercial e pop rispet ai melodie pretese de la Sony. E poeu La magioranza di toch l’è in ingles.Nathalie - Into the Flow (recensione) El videoclip de Smile-in-a-Box, fad del regista Egidio Amendola, el ved la presenza straordinaria del Stefano Fresi. In del desember del 2018 l’è stad publicad il videoclip de Tra le labbra (Intra i laver), toch in precedenza tegnud foeura del Festivall de Sanrem, fad del Taiyo Yamanouchi, in arte Hyst. In del 2019 l’è voeuna di cent sgiurad de la prima edizzion del programa de la television All Together Now - La musica è cambiata (Adess tucc insema - La musica l’è mudada) in su Canale 5.
Freemotion In del 2022 la presenta, con l'eticheta Hukapan de l’Elio e le Storie Tese, la canzon inedita Respirando (In del respirà / A respirà) cont la qual la tenta de fà part del Festivall de Sanrem 2023, ma l’è scartada.