L'AEMuseum a l'è un musee de Milan gestid de la Fondazzion AEM e che 'l cunta su la storia de l'AEM, l'azienda de la corrent milanesa che incoeu la se ciama A2A. El se troeuva dent a la Cà de l'Energia, una sota-stazzion eletriga de l'azienda che, in del sit che gh'era dent i oficine mecaneghe, l'è stada svujada e dedicada a l'atività de didatega de l'azienda.
A se po visitàll a gratis in su prenotazzion, foeura che in d'un quaj dì che se va dent liberament.
Storia A l'è vert in del 2022 de la fondazzion AEM e del 2023 l'è verta una noeuva sezzion interativa: prima in del sit a gh'era la sezzion didatega de la fondazzion AEM.
Collezzion El musee el se troeuva in d'una veggia oficina mecanega de circa 200 m2 e l'è spartid in su du pian: se scomincia del prim pian, cont una linia del temp de l'eletricità a Milan e de la fondazzion de l'AEM e gh'è in mostra anca di mester de la storia de l'azienda, tant 'me el ratin che se doperava per pizzà i lus a gas in Galleria Vitori Emanuell, di giornai, di caschet e di quader in sui so sit e gh'è anca un spazzi per di moster in sui tema che se traten in del musee.
Riferiment
Ligam de foeura Sit ofizzial
Categoria:Musee de Milan