El Musee de la Jugoslavia (Музеј Југославије in serb) a l'è un musee publegh de Belgrad, che 'l met in mostra la storia del Regn de Jugoslavia e de la Jugoslavia socialista con dent anca la storia del Josip Broz Tito, che l'è miss sota in la Cà di Fior che l'è part del musee. Cont i so 120'000 visitador l'ann a l'è el musee pussee vist de tuta la Serbia.
Storia El musee el nass del 1962 'me cadò al Tito per i so 70 agn, e 'l meteva in mostra tucc quell che gh'haveven dad fina a quella data: del 1982, dopo la mort del maressall, el deventa un center in soa memoria. Fina a la toma de la Jugoslavia el compless el gh'haveva una guardia d'onor e l'è stad poeu serrad per vari agn.
Del 1996 el governo de la Republega Federal de Jugoslavia el met insema 'sto musee con di alter istituzzion compagne per fà su el Musee de la Storia de la Jugoslavia, che del 2016 el ciapa el nom de incoeu.
Collezzion El musee a l'è spartid in del Vegg Musee, in del Musee del 25 de Masg, con di spazzi de esposizzion e un cinema, e in la Cà di Fior, che la gh'ha dent una collezzion picinina in sul Tito.
Ligam de foeura Sit ofizzial
Alter proget
Vos corelade Teater dramategh de la Jugoslavia Archivi di Film de la Jugoslavia
Jugoslavia