La milizzia comunal (in serb Комунална милиција) a l'è una forza de polizzia local che la dipend di comun de la Serbia e la se ocupa soratut de tema locai tant 'me el rispet di regole in sui postegg, el controll di animai, i problema locai de trafegh, la violazzion di lesg in sul rud, el trop rumor e i permess. La possibilità de fà su sti corp l'è stada mituda del 2009 per gestì mej i problema de orden locai senza tirà in ball la Polizzia nazzional, che despess la gh'ha minga i omen per gestì 'sti cas.
Del 2019 i competenze inn slargade, inn tolt via i limit in sui assunzion e ghe dann pussee poder, e gh'è dada la possibilità a tucc i comun de fài su. In del vesser publegh oficiai, inn minga di polee, e donca gh'hann minga armi de foeugh, ma poden doperà la forza in vari cas.
Incoeu la milizzia la gh'è in di comun de Belgrad, Čačak, Kragujevac, Kraljevo, Kruševac, Leskovac, Loznica, Niš, Novi Sad, Pančevo, Požarevac, Šabac, Smederevo, Sombor, Sremska Mitrovica, Subotica, Užice, Valjevo, Vranje, Zaječar e Zrenjanin.
Riferiment ZAKON O KOMUNALNOJ MILICIJI
Alter proget
Categoria:Forze de polizzia serbe Serbia