L'assedi de Ragusa (in serbo-croat opsada Dubrovnika) l'è stad part de la guerra de independenza croata e l'è scominciad el prim de otover del 1991 quand che l'Armada Popolar Jugoslava, sostegnuda de 'n bloch de la Marina, l'ha ciapad i territori in tra Sabionsell e Prevlaka, e 'l 9 de dicember gh'è stad un gran atach contra la Cità Veggia, roba che l'ha menad a la condana internazzional e l'ha favorid el reconossiment internazzional de la Croazzia.
L'è finid in del masg del 1992, quand che l'Armada jugoslava la se retira in Bosnia e Erzegovina e ghe dà i so armament a l'Armada de la Republega Serba, un atach de ocident de la Croazzia la mena a la fin de l'assedi el 31 de masg. El tribunal internazzional per l'ex Jugoslavia l'ha imputad cinch persone per crimen de guerra in l'assedi, che l'ha vist morì 165 jugoslav, 194 militar croat e in tra i 80 e i 90 civil e la cità restà senz'aqua e corrent per trii mes, in tra de lor el Slobodan Milošević..
In del temp de l'assedi l'è stada fada su la Republega de Ragusa, un proto-Stat che 'l governava Canali e Ragusa Veggia cont el consens de l'armada de Belgrad, che l'era quella che la gh'haveva debon el poder, e guidad de l'Aleksandar "Aco" Apolonio, procurator citadin de origin istro-italiana e montnegrina che l'haveva fad su un moviment autonomista vers la fin di agn '90.
Riferiment
Alter proget
Categoria:Storia croata Categoria:Storia jugoslava