El sistema ausiliari ventricolar (in ingles Ventricular assist device, breviad in VAD) a l'è un usadell che se dopera in cardio-cerusia per sostituì un ventricol del coeur che, per una quajsevoeul reson (per esempi un s'ciopon o una valvulopatia), l'ha desmetud de fonzionà.
El sistema a l'è una pompa che, del ventricol, el mena el sangu in l'arteria de competenza: l'arteria polomar per el ventricol de drita e l'aorta per quell de mancina, in di cas pussee gram vun el po havégh du sistema in del coeur. Inn doperad soratut 'me sistema per permeter de viver una vita bastanza normal intant che se speccia un strapiant de coeur ma, soratut per quei che inn pussee vegg, poden vesser una soluzzion permanenta.
Gh'hann una part che l'è dent al corp, che l'è la pompa, e vuna che l'è foeura, fada su de 'n sistema de controll eletronegh e de l'alimentazzion, che l'è a batarie o, per quand vun el gh'ha minga de andà in sgir, anca cont el fil tacad a la corrent.
Riferiment Mayo Clinic
Alter proget
Categoria:Cardiologia