L'Armada Popolar de Liberazzion de la Jugoslavia (in serbo-croat Narodnooslobodilačka vojska i partizanski odredi Jugoslavije, in sloven Narodnoosvobodilna vojska in partizanski odredi Jugoslavije, in macedon Народно-ослободителна војска и партизански одреди на Југославија) a l'era l'armada partesana che in la segonda guerra mondial l'ha montad, sota la guida del Josip Broz Tito e cont el jut de comandant tant 'me el Sava Kovačević, el Koča Popović, el Milovan Đilas e 'l Peko Dapčević, una gran resistenza contra i potenze de l'Ass che haveven invadud la Jugoslavia.
In principi a l'era l'organizazzion comunista de la Resistenza jugoslava, compagnada de l'Armada jugoslava in patria de orientament monarchegh, ma cont el temp la deventa 'n armada regolar e ben organizada e armada, bona de contrastà debon i armade de l'Ass: in l'otover del 1944 liberen Belgrad e per la primavera del 1945 vann a Sarajevo, Zagabria e Lubiana, a rivà fina al confin contestad con l'Austria e l'Italia.
Cont el fà su de la Jugoslavia socialista l'è sostituid de l'Armada popolar jugoslava.
Riferiment Esercito Popolare di Liberazione della Jugoslavia
Alter proget
Vos corelade Front de Liberazzion del Popol Sloven AVNOJ Mort al fassism, libertà al popol
Categoria:Storia jugoslava