Uz Maršala Tita (in serbo-croat cont el maresciall Tito) o anca Pjesma o pesti (canzon del pugn) a l'era un cant partesan jugoslav dedicad al Josip Broz Tito che, dopo de la liberazzion, l'è deventad anca ben popolar 'me cant patriotegh: el test l'era del Vladimir Nazor e la musega de l'Oskar Danon.
Scrivud del 1943, in principi el lodava l'Union sovietega e 'l Stalin e 'l criticava el penser di Ustaše in su l'origin gotega di croat, a sostegnì che inveci tucc i Slav meridionai vegnen di slav antigh: quand che 'l Tito e 'l Stalin hann s'cepad del 1948 el cant l'è cambiad in del prim vers, a riferìss domà al Tito, in d'una variant che segond l'autor l'era sgiamò stada doperada quand che 'l Tito l'era stad proclamad Maresciall.
Riferiment Novosti: Kako su nastajale partizanske pesme
Categoria:Cant patriotegh