El musee de storia infomatega de la Slovenia (in sloven: Računalniški muzej, in ingles: Computer History Museum) a l'è un musee de Lubiana dedicad a la preservazzion del patrimoni storegh, cont una gran collezzion de elaborator de produzzion jugoslava e slovena.
El se troeuva in del distret de Šiška, el gh'ha una collezzion de pussee de sesmila element e 'l gh'ha dent anca un hackerspace e di spazzi de coworking: l'è vun di imbassador UNESCO per el Software Heritage.
L'è stad fad su del 2004 'me part di inizziative del moviment Kiberpipa: in tra i robe che hann fad, del 2024, gh'è la trasmission de software per el ZX Spectrum su 'na frequenza FM.
Collezzion In del musee gh'è vari home computer e personal computer tant 'me el Texas Instruments TI-99/4A, el Radio Shack TRS-80, el Commodore 64, vari modei de Amiga, el ZX Spectrum, el BBC Micro, el Philips VG 8000, el Sharp MZ, un quaj Atari 8-bit, l'Atari ST, el PC IBM e vari modei Apple, in tra de lor el Lisa, el Macintosh SE e l'Apple II.
Gh'è anca di console de videosgioeugh tant 'me el Vectrex, el Super NES, el Magnavox Odyssey, l'Intellivision, l'Atari 2600 e 'l Coleco Telstar Arcade.
Gh'è anca di terminai e mainframe tant 'me el VAX, ADM-3A, vari moei de la DEC tant 'me el VT52 e 'l VT100 e un terminal Minitel.
Ben important inn i computer de la Jugoslavia, representad del Gorenje Delta PAKA 3000, de l'Iskra Delta Partner, del Triglav, del TIM-011 e de l'Orao.
Gh'è anca una catada de software sloven, oltra al Microsoft Windows e al Linux localizad in sloven.
Riferiment
Alter proget
Ligam de foeura
Sit oficial
Categoria:Musee de la Slovenia