La stazzion de Krzewina Zgorzelecka a l'è una stazzion ferroviaria del villagg polach de Krzewina: a dispet del vesser in Polonia la serviss el comun todesch de Ostritz e ghe passen domà i treni passeger todesch de la Ostdeutsche Eisenbahn, cont i servizzi polach che inn domà di rari treni de mercanzia de la PKP Cargo.
Fada su del 1875 cont el nom de Ostritz, dopo de la segonda guerra mondial el territori dopo de la linia Oder–Neisse el passa a la Polonia, roba che la mena al sarrà de la stazzion, cont i treni de la Germania de l'Est che se fermaven minga insì de schivà l'imigrazzion illegal, e del 1957 l'è tacada a la ferrovia polaca, roba che la mena a la vertura de la stazzion cont el so nom noeuv, e poeu del 1959 un noeuv acord in tra i du Stat el permet ai todisch de ciapà el treno a la stazzion, indova che eren compagnad di omen armad de la Forza de Protezzion de la Frontera per siguràss che traversaven minga el confin de sfros.
A partì del 1993 un noeuv acord in sul trafegh local de frontera el sbassa i controi e poeu, cont el rivà dent de la Polonia in l'area Schengen del 2007, tucc i controi inn tolt via.
Riferiment
Krzewina Zgorzelecka Train Station
Alter proget
Krzewina Zgorzelecka