Calvagés (o apò CalvazésGiovan Battista Melchiori, Vocabolario bresciano - italiano, 1817; nom uficiàl en italià: Calvagese della Riviera) l'è 'n cümü italià, de la regiù de la Lombardìa, en Pruvìncia de Brèsa. El g'ha presapóch abitàncc (dàto del ), 'na superfìce de 11 km² e 'na densità de popolasiù de ab./km². El se tróa 'ndèla zòna de la Gardezàna, a 26 km a èst de Brèsa.
El cunfìna coi cümü de Bedesöle, Lonàt, Musculìne, Padènghe, Polpenàse, Preàl, Soià.
El teretóre del cümü l'è sitüàt sö le ölteme culìne de l'anfiteàtro morénich del Lach de Garda, söndèn dòs a la sinìstra del fiöm Cés, a 'na altitùdine che và dei 157 ai 325 méter söl leèl del mar. L'è custitüìt de trè centri principài: Calvazés, séde del cümü, e le dò frasiù de Carsàch e Mocasina.
El nóm del paés el par véser de urìgin romàna romana e 'l vegnarès del nòm de persùna Calvasius (forse proprietàre de 'n fónt endèla zòna) completàt del süfìs -ensis.
Le prìme nutìsie sö la stória del paés le remónta al medioévo: el Castèl de Calvazés, l'è lüminàt endèn quach docümènt dei sècoi X e XI. La denominasiù ("della Riviera") che la compléta 'l nòm uficiàl, le vé de la vizinànsa col lach de Garda, che l'è pusìbol amirà de le culìne a èst del paés.
Carsàch
A Carsàch, frasiù de Calvazés, gh'è 'n quach monümènt de 'nterès artìstich-stòrich: la Céza Parochiàla de San Lorèns endóche se consèrva i quàder dei pitùr Lodovico Gallina e Grazio Cossali, i rèscc del castèl medievàl, del quàl amò 'ncö gh'è restàt en pé le quàter tór. Enfìna al 1927 el fàa cümü de per sò cönt.
Evulusiù demogràfica
Riferimèncc