Bivio (fina l'ann 1902 en tudesch la se ciamava Stalla e en romanc Beiva) a l'è un cumün svizzer del distret de Albula, in del Canton Grison. El gh'ha pressapoch abitant e una süperfiss de 76.73 km², e 'l se tröva a una altitüden de 1769 meter sura 'l nivel del mar. L'è straversaa del fiüm Giülia, e 'l se tröva in de la Val Sursette (in tudesch ciamada anca Oberhalbstein).
El cumün de Bivio a l'è tacaa ai cumün de Avers, Bever, Marmorera, Mulegns, Sils im Engadin/Segl, Silvaplana, Bargaja, Sur.
Storia Bivio l'è numenaa la prima volta in de l'ann 840 col nom de stabulo Bivio. Al ciapa el so nom del cruzal che 'l porta ai pass del Giülia e del Pas da Set (en tudesch: Septimer Pass) che i representava giamò in epuca romana un pont de passagg. Inturen al ann 840 l'è staa faa sü un uspizzi per i vilan bargajot (lumbardofun). In tra el secul XIII e 'l secul XIV, Bivio l'è diventaa un'enclav lubardofuna/italofuna tüt in mezz a cumün germanofun (Avers) e de lengua rumancia (Marmorera e tüta la val del Giülia).
L'andament istoregh de la pupulazion de Bivio l'è indicaa in de la tabela chi desuta: ann pupulazion 1808 182 1850 211 1900 141 1920 121 1950 224 1980 238 1990 223 2000 129
Lengh Bivio l'è l'ünegh cumün svizzer de là dei Alp (cioè a Nord del spartaacque cuntinental) indue che la lengua ufizial l'è l'italian e la gent la parla el bargajot, che l'è 'l lumbard (con influenz rumanc) parlaa in de la Val Bargaja. In de l'an 1860 el Bargajot l'eva ancamò la prima lengua per l'80% dei abitant.
Lengh parlaa a Bivio Lengh Censiment 1980 Censiment 1990 Censiment 2000 Abitant Percentual Abitant Percentual Abitant PercentualTudesch 88 36,97 % 120 53,81 % 113 55,39 %Rumanc 44 18,49 % 20 8,97 % 25 12,25 %Bargajote/o Italian 100 42,02 % 76 34,08 % 60 29,41 %Total 238 100 % 223 100 % 204 100 %
Riferiment
Categoria:Cumün del Canton Grison