La Via Crucis (manèra de dì latina che la völ di la Via de la Crus) l’è ü rito religiùs cristià che l’ regórda la caminàda dolorùza ‘nfina al Golgota e pò la crocefisiù e la mórt de Nòst Signùr.
La Via Crucis la se tè de sólet al venerdé, ‘l dé che l’è mórt ol Signùr, e suradetöt ol Venerdé Sant e la piö cognusìda de töte l’è la Via Crucis de Roma che la se té al Coloséo e l’è óficiàda dal Papa; de sólet l’è trasmetìda, via televisiù, ‘n töt ol mónt.
La Via Crucis l’è facia da quatórdes stasiù e ögnöna de chèste stasiù i regórda ü momènt importànt de la Pasiù de Nòst Signùr, tra öna stasiù e l'ótra se canta 'l Adoramus Te.
500px|center|thumb|I quatórdes stasiù del a Via Crucis de la cèsa de Notre-Dame-des-Champs, Avranches, Fransa.
I quatórdes stasiù de la Via Crucis tradisiunàla
stasiù I: ‘l Gezü l’è condanàt a mórt stasiù II: ‘l Gezü l’è cargàt de la crus stasiù III: ‘l Gezü ‘l trèca ‘n tèra per la prima ólta stasiù IV: ‘l Gezü l’incóntra so màder stasiù V: ‘l Gezü l’è ötàt dal Cireneo a portà la crus stasiù VI: la Veronica la ghe süga ‘l müs al Gezü stasiù VII: ‘l Gezü ‘l trèca ‘n tèra per la segónda ólta stasiù VIII: ‘l Gezù l’ incóntra i dòne de Gerüzalèm chi piàns per lü stasiù IX: ‘l Gezü ‘l trèca ‘n tèra per la tèrsa ólta stasiù X: ‘l Gezü l’è caàt fò di sò estìcc stasiù XI: ‘l Gezü l’è ‘nciodàt a la crus stasiù XII: ‘l Gezü ‘l mör sö la crus stasiù XIII: ‘l Gezü l’è tiràt zó da la crùs e consegnàt a sò màder stasiù XIV: ‘l Gezü l’ vé metìt dét in del sepólcher
Categoria:Cristianesim