Елин Пелин () — град во Западна Бугарија, административен центар на општината Елин Пелин во Софиската Област. Има население околу 7.340 луѓе (2022).
Географија Градот Елин Пелин се наоѓа на 558 метри надморска височина во југоисточниот дел на Софиската Котлина, помеѓу реките Лесновска и Елешница и на 24 километри источно од Софија.wikimapia.org На градското земјиште се наоѓа селото Елин Пелин, кое нема сопствено земјиште.Селото Елин Пелин е сместено во атарот на градот Елин Пелин и на селоот Нови Хан.
Историја Првите информации за населбата потекнуваат од османлиски документи од 15 век, во кои се користи името Нувосел. Во средината на 19 век селото се викало Новоселци и било едно од поголемите села во источниот дел на Софиското Поле. Во 1846 година бил завршен православниот храм „Свети Никола“. Кон крајот на 19 век во гратчето биле основани училиште и читалиште.
Во 1881 година, по ослободувањето, Новоселци станал центар на околија во Софискиот Округ. Во 1888 година била пуштена во употреба железничката пруга Софија—Саранбеј. Таа поминува 4 км јужно од тогашното село, каде што се формирала посебна населба околу новата станица — денешното село Елин Пелин. Таму била изградена фабриката за керамика „Изида“ и неколку помали индустриски претпријатија.
Во 1950 година, селото Новоселци било преименувано во Елин Пелин во чест на писателот Елин Пелин (1877–1949), кој пораснал во блиското село Бајлово. Во 1955 година станицата Елин Пелин била одвоена како одделна населба, а во 1960 година Елин Пелин бил прогласен за град.
Наводи
Надворешни врски Официјална веб-страница на општина Елин Пелин
Категорија:Населени места во областа Софија