Ахмед Изет-паша (1864 – 31 март 1937), познат како Ахмед Изет Фургач по Законот за турско презиме од 1934 година — отомански генерал за време на Првата светска војна. Тој исто така бил еден од последните големи везири на Отоманското Царство (14 октомври 1918 - 8 ноември 1918 година) и нејзин последен министер за надворешни работи.
Животопис врска=//upload.wikimedia.org/wikipedia/commons/thumb/1/11/Izzat_Pasha_Commander_of_Caucasus_Front_arriving_in_Jerusalem%2C_1917.jpg/200px-Izzat_Pasha_Commander_of_Caucasus_Front_arriving_in_Jerusalem%2C_1917.jpg|десно|мини|200x200пкс| Ахмед Изет-паша пристигнува во Ерусалим, 1917 година Роден е во Наслич, Битолски Вилает, во албанско семејство. W.E.D. Allen and Paul Muratoff, Caucasian Battlefields, A History of Wars on the Turco-Caucasian Border, 1828-1921, 376, n 1. Неговиот татко бил истакнат државен службеник во областа. Од 1887 до 1890 година се образувал за стратегија и воена географија на Отоманскиот воен колеџ, додека подоцна до 1894 година студирал во Германија кај Колмар Фрајхер фон дер Голц. Како резултат на неговото учество во Грчко-турската војна бил унапреден во чин миралај (полковник). Во 1908 година по Младотурската револуција станал началник на османлискиот генералштаб. Во тој период (за време на Младотурската влада) тој се спротивставува на воените дејствија на османлиската војска под водство на Махмуд Шевкет-паша против албанските националисти за време на албанските бунтови од 1910 година. Неговото силно противење на политиката на Махмуд-паша довело до негово разрешување и повторно именување во Јемен во февруари 1911 година.
Во 1916 година, бил назначен за командант на Втората армија која се борела на Кавказ заедно со Третата армија. Во 1917 година, бил назначен да командува со анадолската група армии, која ја сочинувале Втората и Третата армија. W.E.D. Allen and Paul Muratoff, Caucasian Battlefields, A History of Wars on the Turco-Caucasian Border, 1828-1921, 437. Највисокиот чин што го имал бил маршал.
По војната, и со поддршка од Мустафа Кемал-паша, бил повикан да ја предводи владата која го потпишала Примирјето од Мудрос во име на Отоманското Царство, со што ставил крај на Првата светска војна за Османлиите. Тој истовремено ја извршувал функцијата министер за надворешни работи за време на неговата премиерска функција. Бил разрешен на 8 ноември 1918 година. Потоа, бил критикуван дека им дозволил на сите тројца од Тројцата паши да избегаат во странство ноќта меѓу 2 и 3 ноември, пред да им се суди пред Турските воени судови од 1919-20 година за злосторства, вклучително и злосторства врз Ерменците од Царството. Ахмед Изет-паша поминал голем дел од своите 25 дена на премиерската функција прикован за креветот откако го фатил шпанскиот грип во 1918 година .
По распаѓањето на Отоманското Царство и последователното губење на титулата паша по формирањето на Република Турција, Ахмед Изет го усвоил презимето Фургач во 1934 година. Починал на 31 март 1937 година во Истанбул.
Одлуките на Ахмед Изет Паша за време на Кавкаската кампања исто така биле критикувани и се сметаат за еден од факторите за нејзиниот неуспех, додека неговата последователна висока репутација во Турција се припишува на неговата успешна активност за време на Турската војна за независност.
Поврзано Примирје на Мудрос
Наводи
Надворешни врски
Newspaper clippings about Ahmed Izzet Pasha in the 20th Century Press Archives of the ZBW
Категорија:Министри за надворешни работи на Отоманското Царство Категорија:Македонски Албанци Категорија:Отомански Албанци Категорија:Албански отомански везири Категорија:Отомански воени лица од Првата светска војна Категорија:Отомански фелдмаршали Категорија:Големи везири на Отоманското Царство од 20 век Категорија:Питомци на Отоманскиот воен колеџ Категорија:Питомци на Отоманската воена академија Категорија:Починати во 1937 година Категорија:Родени во 1864 година