Лео Фунтек (21 август 1885 – 13 јануари 1965) ― австроунгарски, и подоцна фински, виолинист, диригент и аранжер од словенечка народност. Тој е најпознат по работата како професор по музика и по аранжманот на свитата за пијано на Модест Мусоргски, „Слики на изложба“ во 1922 година.
Фунтек е роден во Љубљана, Војводство Крањска, Австроунгарија. Своето музичко образование го добил на Конзерваториумот во Лајпциг (сега Колеџ за музика и театар „Феликс Менделсон“) и Универзитетот во Лајпциг.
Фунтек најголемиот дел од својот работен век го поминал во Финска, каде што бил диригент на Финската опера. Бил концерт-мајстор со Хелсиншкиот филхармонски оркестар од 1906 до 1909 година, а потоа бил директор на оркестарот на оркестарот Виипури од 1909 до 1910 година. Неговата најистакната улога како практичен музичар била како диригент на Финската опера од 1915 до 1959 година. Тој, исто така, служел како помошник концерт-мајстор за дворскиот оркестар во Стокхолм од 1916 до 1919 година.
Покрај неговата работа како практичен музичар, Фунтек бил и академик. Неговиот прв таков работна положба била од 1911 до 1939 година, во Хелсиншкиот институт за музика (сега Академија Сибелиус), каде што предавал виолина, ансамбл и оркестрација. Подоцна предавал на Академијата Сибелиус во Хелсинки, каде што бил професор по виолина од 1939 до 1955 година, и каде што исто така предавал и на класата за диригирање од 1950 до 1955 годинаAnu Konttinen. Conductor Education in Finland , Finnish Music Quarterly, March 2006 Тој е заслужен за воведувањето на оркестарската обука во класата на диригентство. Меѓу студентите на Фунтек бил и Јорма Панула, кој и самиот отишил да стане водечки професор по диригирање; како и Хелви Лејвиска (1902–1982) и Хејди Сундблад-Халме (1903–1973), две од најистакнатите фински женски композитори; и композиторот Уско Мерилаинен.
Како аранжер, Фунтек е најпознат по неговиот оркестарски аранжман на Слики на изложба, кој го објавил во јули 1922 година, само неколку месеци пред оркестрацијата на францускиот композитор Морис Равел, за чиј проект Фунтек навидум не бил свесен. Оркестрацијата на Равел била премиерно изведена во октомври 1922 година, и сега е убедливо најизведуваната од неколкуте оркестрации на свитата. За разлика од другите оркестрации, Фунтек тесно се придржува до изворната верзија на пијано на Мусоргски.
Фунтек бил во брак со финскиот сопран Ингеборг Лилјеблад. Починал во Хелсинки.
Наводи
Категорија:Словенечки академици Категорија:Словенечки диригенти Категорија:Машки диригенти Категорија:Словенечки класични виолинисти Категорија:Машки класичми виолинисти Категорија:Словенечки класични композитори Категорија:Словенечки машки музичари Категорија:Музичари од Љубљана Категорија:Музичари од Хелсинки Категорија:Родени во 1885 година Категорија:Починати во 1965 година Категорија:Академски кадар на Академијата Сибелиус Категорија:Дипломци на Универзитетот за музика и театар Лајпциг Категорија:Концертмајстори Категорија:Машки класичми композитори Категорија:Диригенти од 20 век Категорија:Класични виолинисти од 20 век Категорија:Машки музичари од 20 век Категорија:Словенечки иселеници во Финска