мини|Фотографија од Мит Лоуф Мајкл Ли Адеј (роден Марвин Ли Адеј; 27 септември 1947 - 20 јануари 2022), професионално познат како Мит Лоуф (анг: Meat Loaf), бил американски рок пејач и актер. Бил познат по неговиот моќен глас со широк дијапазон и театаралните изведби во живо. Тој се наоѓа на листата на најпродавани музички уметници. Неговата трилогија — Bat Out of Hell (1977), Bat Out of Hell II: Back into Hell (1993), и Bat Out of Hell III: The Monster Is Loose (2006) — се има продадено во над 100 милиони плочи ширум светот. Првиот албум останал на топ листите повеќе од девет години, и сè уште се продаваат околу 200.000 копии годишно и е на листата на најпродавани албуми.
По комерцијалниот успех на Bat Out of Hell и Bat Out of Hell II: Back Into Hell, и добивањето на Греми награда за најдобра соло рок вокална изведба за песната „ I'd Do Anything for Love “, Мит Лоаф сепак имал одредени тешкотии во воспоставувањето на стабилна кариера во Соединетите Држави. Клучот на неговиот успех лежи во неговата популарност во Европа, претежно во Обединетото Кралство и Ирска. Во 1994 година добил награда на Британските музички награди во Обединетото Кралство за најпродаван албуми и песна. Тој се појавил во филмот „Spice World“ од 1997 година и во 2006 г. се нашол на 23-то место по бројот на недели поминати на топ листите во Велика Британија. Се наоѓа на 96-то место на листата од VH1 „100 најголеми хард рок уметници“.
Мит Лоуф се појавил во преку 50 филмови и телевизиски емисии, понекогаш како себе си или глумел ликови кои потсеќаат на неговата сценска изведба. Најпоснати негови филмски улоги се: Еди во „Изложбата на слики од Роки Хорор“ (The Rocky Horror Picture Show) (1975) и Роберт Полсен во Боречки клуб (1999). Неговите рани театарски улоги вклучуваат двојни улоги во оригиналната постава на Бродвејската претстава The Rocky Horror Show. Тој, исто така, се појавил во мјузиклот Коса, на и вон Бродвеј.
Приватен живот Марвин Ли Адеј е роден во Далас, на 27 септември 1947 година. Уште од најмала возраст поради својата корпулентност го добил прекарот Мит Лоуф (во буквален превод „парче месо“
Во 1965 година, Адеј матурирал во средното училиште Томас Џеферсон, а потоа се запишал на Државниот универзитет во Северен Тексас.
Во 1967 година, на негова 19 годишна возраст, мајка му починала од рак. Наследството кое што го добил од смртта на мајка му го искористил за да изнајми стан во Далас, а по кратко време заминал за Лос Анџелес. Тој намерно се здебелил 27 килограми за да не биде регрутиран за војната во Виетнам.
Промена на името Во 1984 година, Мит Лоуф законски го сменил своето име од Марвин во Мајкл бидејќи го нервирала рекламата на Levi Strauss & Co. на која пишувало: „Кутриот дебел Марвин не може да носи Левис“.
Мит Лоуф починал во Нешвил, Тенеси, на 20 јануари 2022 година, на 74-годишна возраст. Не е објавена официјална причина за смртта. Тој, наводно, претходно во јануари бил болен од КОВИД-19 а било наведено дека починал од компликации од болеста.
Дискографија Bat Out of Hell (1977) Dead Ringer (1981) Midnight at the Lost and Found (1983) Bad Attitude (1984) Blind Before I Stop (1986) Bat Out of Hell II: Back Into Hell (1993) Welcome to the Neighbourhood (1995) Couldn't Have Said it Better (2003) Bat Out of Hell III: The Monster is Loose (2006) Hang Cool Teddy Bear (2010) Hell in a Handbasket (2011) Braver Than We Are (2016)
Книги
Поврзано
Список на најпродавани музички уметници
Наводи
Надворешни врски
Meat Loaf at AllMusic
Meat Loaf at the Internet Broadway Database
Категорија:Добитници на Греми Категорија:Американски христијани Категорија:Починати во 2022 година Категорија:Родени во 1947 година Категорија:Статии со hCards