Глувчарка, попозната како сив витез или валкана трихолома, е печурка со сива капа од големиот род Tricholoma. Се среќава во иглолисни шуми во Европа, а се среќава и под борови дрвја во Австралија. Се смета за дека е јадлива. Една статија од 2014 година шпекулираше дека можеби е отровна,Heping Xia: Fatal toxins found in 'edible' wild mushrooms, in: Chemistry World, 16 June 2014 но Sitta et ал. во 2016 година во истото списание објави контра-напис кој ја демонстрира неоснованата природа на таквите шпекулации.Paolo Davoli, Marco Floriani, Francesca Assisi, Karl Kob, Nicola Sitta: Comment on “Chemical and Toxicological Investigations of a Previously Unknown Poisonous European Mushroom Tricholoma terreum ”, in: Chemistry Europe. First published: 10 March 2016, doi:10.1002/chem.201406655

Таксономија Печурката првично била опишана како Agaricus terreus од Јакоб Кристијан Шафер во 1762 година и како Agaricus myomyces од микологот Кристијан Хендрик Персон во 1794 година. Денешното биномно име го добила од германецот Паул Кумер во 1871 година. Општо е позната како сив витез по нејзините обезбојани жабри.

Речиси сите современи извори сметаат дека Глувчарката е синоним на T. terreum, но има некои исклучоци. Бон спомнува дека T. myomyces е дефиниран за низинските печурки со бели жабри и блескава капа, а Courtecuisse го одделува на истата основа. Мозер го разликува Т. myomyces врз основа на тоа дека жабрите треба да пожолтат.

Опис Капата е 4-7 см широка и рамномерно покриена со ситни сиви лушпи. Конвексна и има широка конусна форма. Белузлавата дршка е 3-8 см висока и 1,5 см широка и нема прстен. Нема прстен или волва. Белузлавото месо е тенко, лесно се крши и има пријатен благ мирис и вкус. Широко распоредените и нерамни жабри се слободни (неприкачени на стапот). Отпечатокот на спорите е бел, овалните спори 6–7 микрометри должина од 3,5–4,4 микрометри ширина.

Може да се помеша со поголемиот (и отровен) T. pardinum има брашнаст мирис и лушпи на капата; јадливиот T. orirubens има фини темни лушпи и розови жабри.

Распространетост и живеалиште Глувчарката се наоѓа во Европа, каде што плодните тела се појавуваат под четинари, особено бор и смрека, од крајот на летото до доцната есен. Тие исто така може да се појават во паркови во близина на овие дрвја и да растат во самовилски прстени. Тие се генерално во доста густо населени групи иако не се здружени. Забележано е како растат под егзотичните плантажи на Pinus radiata во Австралија. Глувчарката ја има и во Македонија.

Јадливост Со благ вкус, видот порано се сметал како добар за јадење. Се гледал на пазарите во Франција, заедно со магленката и Tricholoma portentosum. Сепак, некои власти препорачуваат неискусните берачи да ги избегнуваат сите сиви трихоломи. Неодамнешните хемиски тестови покажуваат дека овој вид може да содржи токсини кои можат да предизвикаат рабдомиолиза. Сепак, од поновите истражувања се покажало дека само абнормална количина на печурки Tricholoma може да предизвика рабдомиолиза и нормалното консумирање на околу 200 гр. печурки е безбедно, освен ако не постои поединечна реакција.Piotr Rzymski, Piotr Klimaszyk: Is the Yellow Knight Mushroom Edible or Not? A Systematic Review and Critical Viewpoints on the Toxicity of Tricholoma equestre, Wiley online library, first published: 25 July 2018, doi:10.1111/1541-4337.12374

Поврзано

Список на северноамериканска трихолома Список на видови трихолома

Наводи

Категорија:Статии со микроформати за вид Категорија:Јадливи габи Категорија:Статии со извори на француски (fr) Категорија:Статии со извори на шведски (sv) Категорија:Габи на Македонија Категорија:Габи Категорија:Столпчести габи Категорија:Габи на Европа