Рендинска крепост () — доцноантичка и средновековна тврдина кај селото Рендина, Лагадинско, Егејска Македонија. Сместена е на рид, непосредно до реката Рендина, на западниот влез на клисурата. Тврдината имала за цел да ја чува византиската населба, како и да ја контролира главната патна артерија.

Тврдината била постојано населена од древни времиња, па сè до почетокот на османлиското владеење. Во османнлиско време тврдината го изгубила нејзиното стратешко значење и Турците се преместиле во соседното село Бешик.

Историја мини|лево||Крстокуполната црква На ридот се откриени наоди од неолитско време. Во подножјето се наоѓал античкиот град Аретуса. Ридот бил населен до доцната антика, а околу 450 г. е изградено првото утврдување. Подоцна царот Јустинијан I (527-565) ја зајакнал и обновил тврдината. Во X век врз цистерна е изградена епископска базилика. Рендинската тврдина доживеала расцут за време на Палеолозите, кога е изграден крстокуполен храм со забележителни керамики украси на нејзиниот источен крај. Во XIV век тврдината е завладеана со капитулација на царот Јован Кантакузин. Тврдината била населена сè до XVI век. Зачувана е византиската црква на тврдината.

Во 1976 г. се започнати археолошките работи на тврдината, предводени од Николаос Муцопулос. Рендинската тврдина е прогласена за археолошки споменик.

Поврзано Рендинска базилика Рендинска крстокуполна црква

Наводи

Библиографија Νικόλαος Κωνσταντίνου Μουτσόπουλος, Ρεντίνα ΙΙ: Το Βυζαντινό Κάστρο της Μυγδονικής Ρεντίνας: Η Οχύρωση και η Ύδρευση του Οικισμού, Τεχνικό Επιμελητήριο Ελλάδος, Αθήνα 2001 Σουγλέ, Βασιλική. Φωτογραμμετρική αποτύπωση του οχυρωμένου βυζαντινού οικισμού της Ρεντίνας, Αριστοτέλειο Πανεπιστήμιο Θεσσαλονίκης, 2010 ΟΔΥΣΣΕΑΣ – Υπουργείο Πολιτισμού και Τουρισμού της Ελλάδας Γεώργιος Ακροπολίτης, Χρονική συγγραφή Αθανάσιος Χ. Μπακαλούδης, Συλέος Πεδίον, 1997

Надворешни врски

Рендинска тврдина — Стримоникос Страница за Рендинската тврдина на Кастрологос

Категорија:Тврдини во Егејска Македонија Категорија:Археолошки наоѓалишта во Егејска Македонија Категорија:Споменици на културата во Бешик