Пане ди Латерца е традиционален леб на Латерца, мала општина во провинцијата Таранто, во Апулија, во Југоисточна Италија. Се прави со тврдо брашно со вода, сол и кисело тесто. Главно се произведува во Латерца, но може да се најде и во соседните општини. Тој е признат од страна на италијанското Министерство за политики за земјоделство, храна и шумарство како традиционален прехранбен производ од Апулија.
Потекло Земјоделството некогаш било фундаментално за економијата на Латерца. Првите докази за употреба на житарки за производство на леб датираат од 5 век п.н.е. Спелот и јачменот биле најкористени, пред сè за она што се нарекувало фокача. По римскиот период, неколку векови, производството на леб било само за благородните луѓе кои можеле да водат пекара. Во областа денес наречена „ Форнаци“ (печки, на италијански и пекари), пронајдена е древна печка за леб. Била активен до 18 век и припаѓала на феудаторски.
Во 50-тите години со пекарите управувале само четири жени: пекарка и три работнички. Работничките ги подготвувале дрвата за огрев и го земале тестото од куќите на селото. Пекарката го готвела, а потоа работничките го носеле печениот леб по куќите.
Одлики Пане ди Латерца се пече во дрвена печка со маслиново дрво со некои други природни ароматични производи како семки од кајсија и бадеми. Големината на секое парче леб (на локален дијалект наречен panelle или panédd) може да изнесува еден, два и четири килограми. Кората е кафена, додека мекиот дел во внатрешноста на лебот е слонова коска.
За 100 грама: +Вода Белковини Масти Јаглехидрати Влакна Енергетска вредност 28 10 2,3 49 9,8 257 kcal
Конзорциум Конзорцио за Пане ди Латерца, Латерца (Таранто)
Латерца е исто така член на Националната асоцијација на градовите на лебот (Associazione nazionale Città del pane), италијанска организација чија цел е да ги промовира и унапредува традиционалните видови леб.
Наводи
Категорија:Италијанска кујна