Ју Несбе (Осло, 29 март 1960) — норвешки писател и музичар. Тој е најпознат по неговите криминалистички романи за детективот Хари Хуле, кои му донеле бројни награди и светска слава. Тој е пејач и текстописец на норвешката поп-рок група Ди Дере.
Животопис Ју Несбе е роден во Осло, но неговото семејство се преселило во Молде кога тој имал осум години.Ekskluzivni intervju: Jo Nesbø , Lana Bunjevac, bestseller.jutarnji.hr, 24.srpnja 2013., пристапено на 6 октомври 2013 Како тинејџер играл за прволигашкиот фудбалски клуб Молде, но откако ги повредил лигаментите на коленото морал да се откаже од фудбалот.Официјално мрежно место, пристапено на 6 октомври 2013. Се пријавил во војска и служел три години, по што се запишал на Норвешкиот економски универзитет (Norges Handelshøyskole) во Берген. По дипломирањето, работел како независен новинар и брокер на акции. Денес живее и работи во Осло.
Кариера Првиот во серијата романи за детективот Хари Хуле е романот Лилјак (Flaggermusmannen) од 1997 година. За тој роман, Несбе ја добил наградата „Ривертон“ за најдобар норвешки криминалистички роман и наградата „Стаклен клуч“ за најдобар нордиски криминалистички роман. По нив следувале многу други награди, од кои последната била наградата „Пер Гинт“ „за меѓународен успех и ставање на Норвешка на мапата на светската книжевност“. Покрај романите за Хари Хуле, објавил и четири романи за деца во серијата Доктор Проктор, како и неколку независни романи и збирки раскази. Врз основа на романот „Ловци на глави“ (Hodejegerne), во 2011 година снимен е истоимен филм во Норвешка, во режија на Мортен Тилдум.IMDb: Hodejegerne (2011), пристапено на 6 октомври 2013.
Библиографија
Романи со детективот Хари Хуле 1997 – Flaggermusmannen: Лилјакот 1998 – Kakerlakkene: Лебарки 2000 – Rødstrupe: Црвеношијка 2002 – Sorgenfri: Немеза 2003 – Marekors: Ѓаволова ѕвезда 2005 – Frelseren: Спасителот 2007 – Snømannen: Снешко 2009 – Panserhjerte: Леопард 2011 – Gjenferd: Сеништето 2013 – Politi: Полиција 2017 – Tørst: Жед 2019 – Kniv: Нож 2022 – Blodmåne: Крвава месечина
Романи со доктор Проктор 2007 – Doktor Proktors Prompepulver 2008 – Doktor Proktors Prompepulver: tidsbadekaret 2010 – Doctor Proktor og verdens undergang. Kanskje. 2012 – Doktor Proktor og det store Gullrøveriet: Доктор Проктор и големата кражба на злато
Романи со Олаф Јохансен 2014 – Blod på snø: Крв на снегот (роман) 2015– Mere blod: Полноќно сонце (роман)
Други 1999 – Stemmer fra Balkan/Atten dager i mai (документарна проза ) 2001 – Karusellmusikk (раскази) 2007 – Det hvite hotelel (роман) 2008 – Hodejegerne: Ловци на глави (роман) 2014 – Sønnen: Син (роман) 2018 – Macbeth: Макбет (роман) 2020 – Kongeriket: Кралството (роман) 2021 – Sjalusimanen og andre fortellinger: Стручњак за љубомора и други раскази:(збирка раскази) 2021 – Rotteøya og andre fortellinger: Остров на стаорците и други приказни (збирка раскази)
Наводи
Надворешни врски
Full biography and bibliography about Jo Nesbø on Knigosearch.com
Категорија:Норвешки писатели Категорија:Живи луѓе Категорија:Родени во 1960 година