Џоун Џет ((англ. Joan Jett); родена како Џоун Мари Ларкин, (Joan Marie Larkin); 22 септември 1958) ― американска рок пејачка, гитарист, текстописец, музички продуцент и глумица. Популарност стекнала како пејачка на групата Runaways и како фронтмен на групата која самата ја основала, Joan Jett and the Blackhearts. Додека била член на The Runaways ја отпеала хит песната „Chery Bomb“. "I Love Rock'n Roll", песна која ја отпеала со Blackhearts е нејзина најпозната песна; објавена била во 1982 година и седум недели го држела првото место на Билбордовата Hot 100 листа. Други успешни песни на Џет се: „Bad Reputation“, „Light of Day“, „I Hate Myself for Loving You“ и препевите на „Crimson and Clover“, „Do You Wanna Touch Me“ и „Dirty Deeds“.

Нејзиниот глас е мецосопран. Три нејзини албуми биле продадени во платинест или златен тираж. Го носи епитетот „Кралица на рокенролот“. Joan Jett & the Blackhearts биле примени во Куќата на славата на рокенролот во 2015 година.

Џоун Џет денес живее во Лонг Бич.

Живот и кариера Џоун Мари Ларкин е родена на 22 септември 1958 година, во Виневуд, предградие на Филаделфија. Во 1967 година, со нејзиното семејство се преселила во Роквил, Мериленд. На 13-годишна возраст, татко ѝ за Божиќ и подарил гитара, а потоа времето претежно го поминувала во пишување песни. Нејзиното семејство потоа се преселило во предградие на Лос Анџелес. Набргу по преселбата, нејзините родители се развеле и таа го сменила своето име во Џоан Џет, бидејќи мислела дека тоа презиме ѝ прилега на една рок-ѕвезда.

The Runaways На 16-годишна возраст, Џет заедно со тапанарот Сенди Вест ја основале групата Runaways. На групата ѝ се придружиле Мики Стил, Џеки Фокс, Лита Форд и Шери Кари и ја создале класичната постава. Иако првично Кари била фронтмен на групата, Џет понекогаш пеела водечки вокали, свирела ритам гитара и пишувала дел од композициите на групата заедно со Форд, Вест и Кари.

Групата снимила 5 албуми (заедно со албумот Live in Japan), кои биле популарни во Европа, Азија, Австралија, Канада и Јужна Америка, но не и во САД. Во 1977 година, по објавувањето на нивниот втор албум, групата тргнала на светска турнеја, и постигнала особен успех во Јапонија.

Во 2010 година, бил снимен филмот The Runaways, во кој Кристен Стјуарт ја игра Џет, а Дакота Фенинг ја има улогата на Кари.

Соло кариера Во 1979 година, Џет била во Англија, во обид да започне соло кариера. Таму снимила три песни со Пол Кук и Стив Џонс од Секс Пистолс. Откако се вратила во Лос Анџелес се запознала со текстописецот и продуцент Кени Лагуна. Тие се спријателиле и решиле да работат заедно откако Џет ќе се пресели во Лонг Бич, Њујорк, каде што живеел Лагуна.

Џет и Лагуна во студиото на Who го снимиле првиот соло албум на Џет кој на 17 мај 1980 година бил објавен во Европа. Во САД, албумот бил одбиен од 23 големи издавачи, и Џет и Лагуна го издадале независно преку нивната нова издавачка куќа Blackheart Records.

Joan Jett and the Blackhearts десно|мини| Џет на настап во живо во Норвешка, во текот на 1980-тите Со помош на Лагуна, Џет ги основала Blackhearts. Таа објавила оглас во LA Weekly со кој барала членови на групата.

Концертот во Паладиум во Њујорк од 1981 година бил пресвртница за групата. По една година поминати на турнеи, Blackhearts снимиле нов албум под наслов I Love Rock'n Roll. Насловната песна од албумот „I Love Rock'n Roll“, во 1982 година седум последователни недели бил на прво место на Billboard Hot 100.Whitburn, Joel (2004). The Billboard Book of Top 40 Hits, 8th Edition (Billboard Publications), page 322. Оваа песна се наоѓа на 56 место на Билбордовата листа на најдобри песни на сите времиња. Во 2016 година, песната исто така била примена во Гремиевата куќа на славата.

Печатот ја промовирал Џет како „Кума на панкот“ и „Оригинална Riot grrrl . Џет исто така се нарекува и „Кралица на рокенролот“.

Личен живот мини|Џет ја промовира РЕТА на Унион Сквер, Њујорк, 2010 година Џет станала вегетаријанец во доцните 1980-ти и ги поддржува правата на животните.Stallwood, Kim W. (2001). Speaking Out for Animals: True Stories about Real People who Rescue Animals. Lantern Books. p. 110. "What's in your basket, Joan Jett?". theguardian.com. Retrieved January 22, 2023.

Таа со години одбивала да ги потврди или да ги негира гласините дека е лезбејка или бисексуалка. Во интервју за списанието Out во 1994 година, рекла: „Не велам не, не велам да, велам верувајте што сакате.“

Во 2016 година, поранешната гитаристка на Runaways, Лита Форд, во своите мемоари открила дека привремено го напуштила бендот затоа што сите други членови биле „геј“. Таа напишала „Прво дознав дека Сенди, со која најмногу се дружев, била лезбејка. Потоа дознав дека Чери се мува со Џоун. Бев толку исплашена што го напуштив бендот. Кога дознав дека сите девојки се геј во бендот, не знаев како да го поднесам тоа. Не знаев што е тоа.“

Награди и почести

Музичка куќа на славата во Лонг Ајленд (класа од 2006 година). Ролинг Стоун - 100 најголеми гитаристи на сите времиња (бр. 87). 2012 Награда Нанчи Александар за активист, за нејзините заложби за благосостојба на животните. 2013 ја добила наградата Рок легенда на Западен Холивуд. 2014 AP Icon Award 2014 Награда Златен Бог Воведена во Куќата на славата на рокенролот (класа од 2015 година)

Дискографија Соло

Joan Jett (1980); преобјавен под името Bad Reputation (1981) The Hit List (1990)

со Blackhearts

I Love Rock 'n' Roll (1981) Album (1983) Glorious Results of a Misspent Youth (1984) Good Music (1986) Up Your Alley (1988) Notorious (1991) Pure and Simple (1994) Naked (2004) Sinner (2006) Unvarnished (2013) Changeup (2022) Mindsets (2023)

Наводи

Надворешни врски

Joan Jett discography at Discogs

Joan Jett at the Internet Broadway Database

Категорија:Живи луѓе Категорија:Американски рок-гитаристи Категорија:Американски протестанти Категорија:Американски феминистки Категорија:Американски пејачки од 21 век Категорија:Американски пејачи и пејачки од 21 век Категорија:Американски пејачки од 20 век Категорија:Американски пејачи и пејачки од 20 век Категорија:Родени во 1958 година Категорија:Панкерки Категорија:Ритам гитаристи Категорија:Протопанк музичари Категорија:Панк-рок пејачки Категорија:Американски музички продуценти Категорија:Мецосопрани Категорија:Американски панк рок пејачи Категорија:Американски рок пејачки Категорија:Американски филмски глумици