Данијел Живковиќ (црногорски: Данијел Живковић; роден на 15 август 1987 година) ― црногорски политичар кој e пратеник во Собранието на Црна Гора од 1 јули 2017 година и вршител на должноста претседател на Демократската партија на социјалистите (ДПС) од 6 април 2023 година. Тој го наследил долгогодишниот претседател на ДПС, Мило Ѓукановиќ, кој поднел оставка по поразот од Јаков Милатовиќ на претседателските избори во 2023 година.
Политичка кариера Живковиќ ја започнал својата политичка кариера во 2014 година, кога бил избран за член на општинското собрание на Пљевља како член на владејачката Демократска партија на социјалистите (ДПС) и за претседател на нејзината општинска парламентарна група.
По оставката на Павле Горановиќ како пратеник на ДПС во Собранието на Црна Гора, Живковиќ станал пратеник на 1 јули 2017 година. Тој бил реизбран за пратеник на парламентарните избори во 2020 година и бил именуван за претседател на пратеничката група на ДПС.
Тој бил назначен за вршител на должноста претседател на ДПС на 6 април 2023 година по оставката на долгогодишниот претседател на ДПС, Мило Ѓукановиќ, кој поднел оставка по неговата загуба од Јаков Милатовиќ на претседателските избори во 2023 година.
Политички ставови Живковиќ е критичар на Србија и Русија, наведувајќи дека српскиот претседател Александар Вучиќ сака да го „наруши нашиот суверенитет“.
Наводи
Категорија:Живи луѓе Категорија:Родени во 1987 година Категорија:Луѓе од Пљевља Категорија:Политичари на Демократската партија на социјалистите на Црна Гора Категорија:Црногорски пратеници Категорија:Црногорски политичари Категорија:Југословенски Црногорци Категорија:Дипломци на Правниот факултет (Универзитет на Црна Гора)