Магичен реализам е книжевен и уметнички стил. Тој прикажува реалистичен поглед на светот, а при тоа истовремено додава и магични елементи. Често линијата помеѓу фантазијата и реалноста е замаглена. Магичниот реализам често се однесува на литературата со волшебни или натприродни феномени претставени во реален или секојдневен амбиент. И покрај тоа што вклучува одредени магични елементи, генерално се смета дека е различен жанр од фантастиката. Магичниот реализам користи значителна количина на реалистични детали но вклучува магични елементи за да ја нагласи реалноста, додека фантастичните приказни често се одвоени од реалноста. Магичниот реализам често се гледа како спој на реални и магични елементи што создава поинклузивна форма на пишување од книжевниот реализам или фантастиката .
Терминот магичен реализам е широко описен наместо критички ригорозен, а Метју Стречер (1999) го дефинира како „она што се случува кога многу детално, реалистично опкружување е нападнато од нешто премногу чудно за верување“.Strecher, Matthew C. 1999. "Magical Realism and the Search for Identity in the Fiction of Murakami Haruki." Journal of Japanese Studies 25(2):263–98. p. 267. Поимот и неговата широка дефиниција често можат да збунат, бидејќи многу писатели се категоризираат како магични реалисти. Терминот бил под влијание на германскиот и италијанскиот стил на сликање од 1920-тите кои го добиле истото име. Во Уметноста на фикцијата, британскиот романописец и критичар Дејвид Лоџ го дефинира магичниот реализам: „кога се случуваат чудесни и невозможни настани во она што инаку се тврди дека е реалистичен наратив - е ефект особено поврзан со современата латиноамериканска фикција (на пример, делото на Колумбискиот романописец Габриел Гарсија Маркез ), но се среќава и во романите од други континенти, како што се оние на Гинтер Грас, Салман Ружди и Милан Кундера) Магичниот реализам често ги меша историјата и фантазијата, како во Децата на полноќта на Салман Ружди, во која децата родени на полноќ на 15 август 1947 година, моментот на независноста на Индија, се телепатски поврзани.
Магичниот реализам често се поврзува со латино-американската литература,а ги вклучува основачите на жанрот, Габриел Гарсија Маркез, Изабел Аљенде, Хорхе Луис Борхес, Хуан Рулфо, Мигел Анхел Астуриас Росалес, Мирјамулес, Елена Гароблес , Галегос и Артуро Услар Пјетри. Во литература на англиски јазик, нејзините главни експоненти се Нил Гејман, Салман Ружди, Алис Хофман, Луис Де Берниерс, Ник Хоакин и Никола Баркер. Во бенгалската литература, истакнати писатели на магичен реализам ги вклучуваат Набарун Бхатачарја, Ахтерузаман Елиас, Шахидул Захир, Џибанананда Дас и Сајед Валиулах. Во јапонската литература еден од најзначајните автори на овој жанр е Харуки Мураками. Во кинеската литература, најпознатиот писател на овој стил е Мо Јен, добитник на Нобеловата награда за литература за 2012 година за неговиот „ халуцинаторен реализам “. Во полската литература, магичниот реализам е претставен од Олга Токарчук, добитничка на Нобеловата награда за литература за 2018 година.
Карактеристики Списокот со карактеристиките наведени подолу варира во даден текст. Секој текст е различен и користи мал дел од квалитетите наведени овде. Сепак, тие точно го прикажуваат она што може да се очекува од еден магичен реалистички текст.
Фантастични елементи на реализам Во магичниот реализам се прикажуваат фантастични настани со инаку реалистичен тон. Во овој жанр басните, народните приказни и митовите се вклучени во современи општствени ситуации. Фантастичните особини на ликовите, како што се лебдење, телепатија и телекинеза, помагаат да се опфати модерната политичка реалност која може да биде фантазмагорична.The Concise Oxford Dictionary of Literary Terms (3rd ed.). Oxford University Press. 2008.
Поставување во реалниот свет Постоењето на фантастични елементи во реалниот свет ja дава основата за магичен реализам. Писателите во овој жанр не измислуваат нови светови, туку го откриваат магичното во постојниот свет, како што тоа го направил Габриел Гарсија Маркез, во своето дело Сто години самотија.García, Leal, p. 89. Во светот на магичниот реализам, натприродниот свет се спојува со природниот, познат свет.Zlotchew, Clark. 2007. Varieties of Magical Realism. New Jersey: Academic Press ENE.
Авторска воздржаност Авторската воздржаност е „намерно задржување информации и објаснувања за вознемирувачкиот фиктивен свет“.Chanady, Amaryll Beatrice. 1985. Magical Realism and the Fantastic: Resolved versus Unresolved Antinomy. New York: Garland Publishing Inc. Раскажувачот е рамнодушен, а оваа особеност е засилена со отсуството на објаснување за фантастични настани. Приказната продолжува со „логичка прецизност“ како ништо необично да не се случило. Магичните настани се претставени како вообичаени појави; затоа, читателот го прифаќа чудесното како нормално и вообичаено.Bowers, Maggie A. 2004. Magic(al) Realism. New York: Routledge. Print. pp. 25–27.
Хибридност Заплетите во магичниот реализам генерално користат хибридни повеќекратни рамнини на реалноста кои се одвиваат во „нехармонични арени на такви спротивности како што се урбаните и руралните, и западните и домородните“.
Метафикција Оваа карактеристика се фокусира на улогата на читателот во литературата. Бидејќи користи повеќекратни реалности и специфичните референци на светот на читателот исто така го истражува влијанието на фикцијата врз реалноста, па потоа влијанието на реалноста врз фикцијата и улогата на читателот помеѓу; овој жанр е добро прилагоден за да привлече вниманието кон социјална или политичка критика. Исто така, таа е најважната алатка во извршувањето на еден поврзан и главен магично-реалистичен феномен: текстуализација. Терминот текстуализација дефинира два услови — прво, кога фиктивниот читател влегува во приказната во приказна при читање, при тоа правејќи го самосвесн за својот статус на читател — и второ, каде текстуалниот свет влегува во (реалниот) свет на читателот. Разумот би го негирал овој процес, но „магијата“ е флексибилната конвенција што го дозволува тоа.Thiem, Jon. "The Textualization of the Reader in Magical Realist Fiction". In Magical Realism: Theory, History, Community.
Зголемена свест за мистеријата Книжевноста на магичниот реализам има тенденција да го изоставува објаснувањето на својот магичен елемент или да ги замагли елементите на приказната, при тоа создавајќи чувство на збунетост и мистерија.
На пример, кога ја чита „Сто години самотија“, читателот мора да се откаже од веќе постоечките врски со конвенционалното изложување, напредувањето на заплетот, линеарната временска структура, научниот разум итн., за да се стреми кон состојба на зголемена свест за животната поврзаност или скриените значења со цел книгата да почне да добива смисла.
Политичка критика Магичниот реализам содржи „имплицитна критика на општеството, особено на елитата“. Особено стилот во Латинска Америка, се отцепува од неспорниот дискурс на „привилегираните центри на литературата“.D'haen, Theo. "Magical realism and postmodernism: decentering privileged centers". In Magical Realism: Theory, History, Community. Затоа, „алтернативниот свет“ на магичниот реализам работи на корекција на реалноста на веќе воспоставените гледишта (како реализам, натурализам, модернизам ). Според оваа логика, Магичниот реализам е составен од субверзивни текстови, револуционерни против општествено доминантните сили. Алтернативно, општествено доминантните може да имплементираат магичен реализам за да се оградат од нивниот „ дискурс на моќ“. Тео Д'хаен ја нарекува оваа промена во перспективата „децентрирање“.
Споредба со сродни жанрови Кога се обидувате да дефинирате што е нешто, често е корисно да се дефинира што нешто не е. Многу книжевни критичари се обидуваат да ги класифицираат романите и литературните дела само во еден жанр, како што се „романтични“ или „натуралисти“, не секогаш земајќи предвид дека многу дела спаѓаат во повеќе категории.
Реализам Реализмот е обид да се создаде приказ на вистинскиот живот; романот не се потпира едноставно на она што го прикажува туку и како го прикажува. На овој начин, реалистичката нарација делува како рамка преку која читателот конструира свет користејќи ги суровините на животот. Разбирањето и на реализмот и на магичниот реализам во доменот на нарација е клучно за разбирање на двата поима. Магичниот реализам „се потпира на прикажување на реални, замислени или магични елементи како да се реални.
Како едноставна точка за споредба, диференцијацијата на Рох помеѓу експресионизмот и пост-експресионизмот, опишана во Германската уметност во 20 век, може да се примени врз магичниот реализам и реализмот. Реализмот се однесува на термините „историја“, „ мимезис “, „запознавање“, „емпиризам/логика“, „нарација“, „затворен/редуктивен натурализам“ и „ рационализација / причиност “. Од друга страна, магичниот реализам ги опфаќа термините „мит/легенда“, „фантастично/дополнување“, „ очуднување “, „ мистицизам / магија“, „ мета-нарација “, „отворен/проширен романтизам “ и „имагинација“ /негативна способност“.
Надреализам
Фантастика Истакнати писатели на фантастика на англиски јазик изјавиле дека „магичен реализам“ е само друго име за фантастика. Според Џин Волф „магичниот реализам е фантазија напишана од луѓе кои зборуваат шпански“, Тери Прачет рекол дека магичниот реализам „е како љубезен начин да се каже дека пишуваш фантастика“.
Анимистички реализам Анимистичкиот реализам е термин за концептуализација на африканската литература која е напишана врз основа на силното присуство на имагинарниот предок, традиционалната религија и особено анимизмот на африканските култури.Paradiso, Silvio Ruiz. 2014. "Postcolonialism and religiosity in African literatures". Proceedings of the 4th International Congress in Cultural Studies. Aveiro, Portugal. pp. 73–79. Терминот го употребиле Пепетела (1989) и Хари Гаруба (2003)Garuba, Harry. 2003. "Explorations in Animist Materialism: Notes on Reading/Writing African Literature, Culture, and Society". Public Culture. за да претставува нова концепција за магичниот реализам во африканската литература.
Научна фантастика Иако научната фантастика и магичниот реализам ја виткаат идејата за она што е реално, си играат со човечката имагинација и се форми на фантастика, тие многу се разликуваат. Бауерс го наведува Храбриот нов свет на Олдос Хаксли како роман што го прикажува барањето на научнофанатастичниот роман за „рационално, физичко објаснување за какви било невообичаени појави“. Бауерс тврди дека „Посебната разлика на наративот во научната фантастика од оној во магичниот реализам е во тоа што научната фантастика е сместена во свет различен од која било позната реалност и неговиот реализам се состои во фактот што можеме да го препознаеме како можност за нашата иднина. За разлика од магичниот реализам, нема реалистичен амбиент што е препознатлив во која било мината или сегашна реалност“.
Главни автори и дела Иако критичарите и писателите дебатираат кои автори или дела спаѓаат во жанрот на магичен реализам, следните автори го претставуваат начинот на нарација. Во Латинска Америка, најеминентни писатели се Хорхе Луис Борхес, Изабел Аљенде, и нобеловецот Габриел Гарсија Маркез, чиј роман Сто години самотија беше инстантен успех низ целиот свет. десно|мини| Плакета на Габриел Гарсија Маркез, Париз Гарсија Маркез признал: „Мојот најголе проблем беше уништување на линијата која ги разграничува она што изгледа реално од она што изгледа фантастично“.Interview in Primera Plana 5(234):52–55. Quoted in
This agrees well (minor textual variants) with other quotations found in