Сантана ― американска рок-група основана во Сан Франциско во 1966 година од гитаристот со мексиканско потекло Карлос Сантана. Групата неколкупати го менувала составот, а Карлос Сантана бил единствен постојан член. Откако потпишале договор со Columbia Records, настапот на групата на фестивалот Вудсток во 1969 година ја зголемило нејзината популарност. На почетокот од 1970-тите ги издале успешните и критички пофалените албуми: Santana (1969), Abraxas (1970) и Santana III (1971). Овие албуми биле снимени од „класичната“ постава на групата, во состав: Грег Роли, Мајкл Карабело, Мајкл Шрајв, Дејвид Браун и Хозе „Чепито“ Арес. Нивни најпопуларни песни од овој период биле: „Evil Ways“, „Black Magic Woman“, „Oye Como Va“ и инструменталната „Samba Pa Ti“.
По промената на составот и на музичката насока во 1972 година, групата експериментирала со примеси од џез-фузија на албумите: Caravanserai (1972), Welcome (1973), and Borboletta (1974). Групата повторно се нашла на врвот на популарноста со нивниот осумнаесет албум Supernatural (1999). Албумот содржи два сингла кои се искачиле на прво место на Billboard Hot 100 топ-листата: „Smooth" (со Роб Томас) и „Maria Maria" (со The Product G&B). Албумот бил врвот на топ-листите во единаесет земји и бил продаден во 12 милиони примероци во САД. Во 2014 година, "класичниот" состав на групата повторно се обединил за албумот Santana IV (2016), а групата продолжила со настапи и снимање песни.
Сантана е меѓу групите со најмногу продадени албуми на сите времиња; во САД продале преку 47 милиони албуми, а се проценува дека продале преку 100 милиони албуми во светски рамки. Групата објавила 25 студиски албуми. Во 1998 година, групата Santana во состав: Роли, Карабело, Шрив, Браун и Аријас била примена во Куќата на славата на рокенролот."Santana". Во 2000 година, групата во една вечер освоила осум Греми награди, со што го изедначиле рекордот од Мајкл Џексон. Истата година освоиле три Латино Греми награди.
Дискографија Santana (1969) Abraxas (1970) Santana III (1971) Caravanserai (1972) Welcome (1973) Borboletta (1974) Amigos (1976) Festivál (1977) Moonflower (1977) Inner Secrets (1978) Marathon (1979) Zebop! (1981) Shangó (1982) Beyond Appearances (1985) Freedom (1987) Spirits Dancing in the Flesh (1990) Milagro (1992) Supernatural (1999) Shaman (2002) All That I Am (2005) Guitar Heaven (2010) Shape Shifter (2012) Corazón (2014) Santana IV (2016) Africa Speaks (2019) Blessings and Miracles (2021)
Наводи
Надворешни врски
Категорија:Американски блуз рок групи Категорија:Добитници на Греми Категорија:CS1: долга вредност за volume Категорија:Нонети Категорија:Добитници на Светски музички награди Категорија:Музички групи од Сан Франциско Категорија:Музички групи основани во 1966 година Категорија:Латино музички групи Категорија:Ејсид-рок-групи Категорија:Американски психоделичен рок-групи