Хенри Џон Дојчендорф Помладиот (англ. Henry John Deutschendorf Jr.; 31 декември 1943 – 12 октомври 1997) естрадно познат како Џон Денвер ― американски пејач и текстописец. Тој бил еден од најпопуларните акустични музичари во 1970-тите и еден од музичарите со најголема продажба за таа деценија. Според AllMusic, Денвер бил „меѓу најомилените забавувачи од неговото доба“.

Денвер снимил и објавил околу 300 песни, а околу 200 од нив ги напишал самиот. Имал 33 албуми и синглови сертифицирани од RIAA со златен или платинест тираж во САД, а се проценува дека продал преку 33 милиони единици. Тој снимал и настапувал првенствено со акустична гитара, а стиховите од неговите песни се однесувале на: неговата радост во природата, презирот кон градскиот живот, ентузијазмот за музика и љубовни врски. Песните од Денвер се пласирале на различни топ-листи, како топ-листите: за кантри-музика, Billboard Hot 100 и радиски хитови, а негови најпрепознатливи песни биле: „Take Me Home, Country Roads“, „Poems, Prayers & Promises“, „Annie's Song", „Rocky Mountain High", „Calypso", „Thank God I'm a Country Boy" и „Sunshine on My Shoulders".

Денвер глумел во неколку филмови и телевизиски специјали во текот на 1970-тите и 1980-тите, меѓу кои и во хитот од 1977 година , О, Боже! (Oh, God!), каде глумел заедно со Џорџ Барнс. Тој продолжил да снима музика во 1990-тите, а исто така се насочил на проблемите за заштитата на животната средина, дал силна поддршка за истражување на вселената и сведочел пред Конгресот во знак на протест против цензурата во музиката. Џон Денвер поголемиот дел од неговиот живот го поминал во Аспен и бил познат по неговата љубов кон Колорадо. Во 1974 година, Денвер бил прогласен за поет-лауреат на таа сојузна држава. Во 2007 година, Законодавниот дом на државата Колорадо ја усвоил неговата песна „Rocky Mountain High“ за една двете химни на државата, а Западна Вирџинија го сторила истото со песната „Take Me Home, Country Roads“ во 2014 година.

Џон Денвер бил страствен пилот и загинал во несреќа во 1997 година додека управувал со неговиот новонабавен лесен авион, на 53-годишна возраст.

Живот и кариера Хенри Џон Дојчендорф Помладиот бил роден на 31 декември 1943 година, во Розвел, Ново Мексико. На 11-годишна возраст, тој добил гитара од баба му и научил да свири на неа. Тој го усвоил презимето „Денвер“ во чест на главниот град на неговата сакана држава, Колорадо. мини|214x214пкс| Првата гитара на Џон Денвер. Денвер студирал архитектура на Тексашкиот технички универзитет во Лабок и додека бил таму пеел во фолк-групата „The Alpine Trio“. Денвер го напуштил универзитетот во 1963 година и се преселил во Лос Анџелес, каде што пеел во фолк-клубови. Во 1965 година, Денвер се приклучил на The Chad Mitchell Trio, заменувајќи го основачот Чад Мичел. По неколку кадровски промени, триото подоцна станало познато како „Денвер, Бојс и Џонсон“ (Џон Денвер, Дејвид Боис и Мајкл Џонсон). мини| Денвер со Дорис Деј Џон Денвер ја напуштил групата во 1969 година и започнал соло-кариера, а потоа го издал неговиот прв албум со RCA Records, Rhymes & Reasons. Тој самостојно снимал демо-снимки на некои од неговите песни кои ги изведувал на концерти. Овој албум ја вклучувал песната „Babe I Hate to Go“, подоцна наречена „Leaving on a Jet Plane“.

Џон Денвер објавил уште два албума во 1970 година: Take Me to Tomorrow и Whose Garden Was This, на кои имало песни снимени од Џон Денвер, како и преработки на песни од други изведувачи.

Во 1971 година купил куќа во Аспен (Колорадо), каде што живеел до неговата смрт.

Во 1973 година, Денвер почнал да води сопствена телевизиска емисија на БиБиСи, Шоуто на Џон Денвер, неделно музичко и естрадно шоу во режија и продукција на Стенли Дорфман.

Награди и признанија Академија за кантри музика

„Албум на годината“ за 1974 година за Back Home Again

Американски музички награди

1975: Омилен поп/рок машки изведувач 1976: Омилен кантри-албум за Back Home Again 1976: Омилен кантри машки музичар

Здружение за кантри-музика

1975: Забавувач на годината 1975: Песна на годината за „Back Home Again“

Еми награди

1975: Еми за извонреден вариетет, музички или комичен специјал за An Evening with John Denver

Греми награди

1997: Најдобар музички албум за деца за All Aboard! 1998: Награда од Гремиевата куќа на славата за „Take Me Home, Country Roads“

Куќа на славата на текстописците

Примен во 1996 година

Други признанија

Поет-лауреат на Колорадо, 1977 година People's Choice Awards, 1977 година „Десет извонредни млади Американци“, 1979 година Награда од фондацијата Freedoms, 1980 година Along with U.S. Senator Jake Garn, U.S. Ambassador Shirley Temple Black, actor James Stewart, and Tom Abraham, a businessman from Canadian, Texas, who worked with immigrants seeking to become U.S. citizens. Cited in "Tom Abraham to be honored by Freedoms Foundation Feb. 22", Canadian Record, February 14, 1980, p. 19 Награда за народен поет на Карл Сандбург, 1982 година Медал за исклучителна јавна служба на НАСА, 1985 година Музичка награда Алберт Швајцер, 1993 година

Дискографија Студиски албуми

John Denver Sings (1966) Rhymes & Reasons (1969) Take Me to Tomorrow (1970) Whose Garden Was This (1970) Poems, Prayers & Promises (1971) Aerie (1971) Rocky Mountain High (1972) Farewell Andromeda (1973) Back Home Again (1974) Windsong (1975) Rocky Mountain Christmas (1975) Spirit (1976) I Want to Live (1977) John Denver (1979) Autograph (1980) Some Days Are Diamonds (1981) Seasons of the Heart (1982) It's About Time (1983) Dreamland Express (1985) One World (1986) Higher Ground (1988) Earth Songs (1990) The Flower That Shattered the Stone (1990) Different Directions (1991) All Aboard! (1997)

Наводи

Надворешни врски

John Denver's childhood home in Tucson Arizona website

Категорија:Добитници на Греми Категорија:Американци со германско потекло Категорија:Американски филмски глумци Категорија:Американски природозаштитници Категорија:Американски кантри гитаристи Категорија:Починати во 1997 година Категорија:Родени во 1943 година Категорија:Статии со hCards Категорија:Статии со краток опис Категорија:Американски кантавтори Категорија:Американски поети Категорија:Американски писатели на шпански јазик Категорија:Американски глумци од 20 век Категорија:Американски гитаристи Категорија:Пејачи од Денвер Категорија:Пејачи од Ново Мексико Категорија:Пејачи од Колорадо Категорија:Музичари кои загинале во авионска несреќа Категорија:Луѓе од Аспен Категорија:Американски кантри-пејачи Категорија:Американски телевизиски глумци Категорија:Американски кантри кантавтори Категорија:Американски акустични гитаристи