Wu-Tang Clan (транскрипција: Вутанг клан; IPA: /ˈwuː.tæŋ klæn/) ― американски хип-хоп-колектив основан во Стејтен Ајленд во Њујорк, во 1992 година. Во него членуваат: RZA, GZA, Method Man, Raekwon, Ghostface Killah, Inspectah Deck, U-God, Masta Killa и, до неговата смрт во 2004 година, Ol' Dirty Bastard. Нивниот близок соработник Кападона подоцна станал официјален член. Тие извршиле ревитализација на хип-хопот на Источниот Брег и се сметаат за една од најуспешните хип-хоп групи на сите времиња.Adaso, Henry.
Во 1992 година групата потпишала договор со издавачката куќа Loud Records и во 1993 година го издале нивниот прв албум Enter the Wu-Tang (36 Chambers); албумот добил позитивни критики и денес се смета за еден од најдобрите хип-хоп-албуми на сите времиња. Членовите на групата во периодот од 1994 до 1996 година издале соло-албуми. Во 1997 година групата го издала вториот албум, Wu-Tang Forever. Албумот дебитирал на врвот на Билборд 200 и во 1998 година бил номиниран за Греми за „Најдобар рап албум“. Подоцна групата ги објавила албумите: The W (2000), Iron Flag (2001), 8 Diagrams (2007) и <i id="mwTA">A Better Tomorrow</i> (2014), но сите тие не успеале да ја достигнат популарноста на нивниот втор албум. Единствениот примерок од нивниот седми албум, Once Upon a Time in Shaolin (2015), бил купен за 2 милиони долари од Мартин Шкрели, поранешен менаџер на хеџ фонд.
Wu-Tang Clan ги промовирала и започнала кариерите на многу музичари и групи со кои соработувала, заедно познати како Wu-Tang Killa Bees. Во 2008 година, групацијата About ги прогласила Wu-Tang Clan за најдобра хип-хоп-група на сите времиња.Adaso, Henry. Крис Екс од Ролинг Стоун за Wu-Tang Clan рекол дека се „најдобра рап-група дотогаш“. Во 2004 година, дигиталното списание NME ги прогласило за една од највлијателните групи во последните десет години.
Членови
RZA (Роберт Фицџералд Дигс) – пејач, продукција (1992-денес) GZA (Гери Грајс) – пејач (1992–денес) Ol' Dirty Bastard (Расел Тајрон Џонс) – пејач (1992–2004, негова смрт) Method Man (Клифорд Смит) – пејач (1992-денес) Raekwon (Кори Вудс) – пејач (1992-денес) Ghostface Killah (Денис Колс) – пејач (1992-денес) Инспекта Дек (Џејсон Хантер) – пејач (1992-денес) U-God (Ламонт Џоди Хокинс) – пејач (1992-денес) Маста Кила (Елгин Тарнер) – пејач (1993-денес) Кападона (Дарил Хил) – пејач (2007-денес)
Дискографија
Студиски албуми
Enter the Wu-Tang (36 Chambers) (1993) Wu-Tang Forever (1997) The W (2000) Iron Flag (2001) 8 Diagrams (2007) A Better Tomorrow (2014) Once Upon a Time in Shaolin (2015)
Наводи
Надворешни врски
Категорија:Афроамерикански музички групи Категорија:Нонети Категорија:Американски хип-хоп групи Категорија:Музички групи основани во 1992 Категорија:Музички групи од Њујорк Категорија:Музички групи основани во 1992 година