Тома Кузманов Бакрачев (познат и под псевдонимот Леонид Голштајн) — македонски револуционер, учесник во македонското револуционерно движење, член на Македонската револуционерна организација.
Животопис лево|мини|250x250пкс|Цариградскиот комитет на ВМРО во 1903 г. со Никола Милев, Тома Бакрачев и Пере Тошев Бакрачев е роден во селото Вишени, Костурско на 9 октомври 1877 година, тогаш во Отоманското Царство. Првично се занимавал со трговија. Живеел во Константинопол, каде станал член на месниот реонски комитет на ВМРО. Раководел со Костурско-Леринското друштво во Константинопол (1901), додека им помагал и на Солунските атентатори така што ја организирал доставата на динамитот во Солун. По атентатите бил уапсен и добил смртна пресуда во 1903 г. која подоцна била заменета со доживотен затвор, а на крајот во 1908 г. бил амнестиран за време на Младотурската револуција. Подоцна живеел во Софија, каде што во 1914 година ја отворил првата бродска агенција во земјата.
По окупацијата на Грција за време на Втората светска војна, на почетокот на април 1943 година, по иницијатива на централниот комитет на СМЕО, тој заедно со Спиро Василев, Георги Киселинчев, Димитар Палчев и Никола Трифонов заминале во Егејска Македонија за да ја проверат состојбата на населението. Подоцна за тоа пишувале и барале помош и акција. Починал на 4 ноември 1951 г. во градот Софија, Бугарија.
Наводи
Категорија:Македонски револуционери Категорија:Дејци на ВМОРО Категорија:Македонски преселници во Софија Категорија:Погребани на Централните софиски гробишта Категорија:Дејци на Македонските братства Категорија:Починати во 1951 година Категорија:Македонски стопанственици