мини|Џејмс Тисо (1836 — 1902): Каин го води Авел за да го убие Каин и Авел — библиска старозаветна приказна од 4. поглавје од книгата Битие, кога првиот син на Адам и Ева, земјоделецот Каин, го убил својот помал брат Авел, овчар (Бит. 4:8), бидејќи дарот што го донел Авел се покажал угоден на Бога, за разлика од жртвата на Каин.
Во Библијата Каин и Авел во Библијата се двајца браќа, синови на Адам и Ева. Според книгата Битие, Каин бил првиот убиец во историјата, Авел бил првата жртва на убиство. Авел бил овчар, Каин бил земјоделец. Каин му донел дар на Бога од плодовите на земјата, додека Авел ги жртвувал животните од своето стадо.
Бог поволно ја прифатил само жртвата на Авел. Каин бил многу вознемирен и потоа го убил Авел (Бит. 4:5–8). Каин се обидел да го скрие фактот за она што го направил пред Бога (Бит. 4:9). За убиството на Авел, Бог го проколнал Каин (Бит. 4:10–12).
Толкување
Во христијанството Книгата Битие не укажува на причините за Божјото прифаќање на жртвата на Авел и отфрлање на жртвата на Каин, и затоа овој библиски настан има различни толкувања.
Во Посланието до Евреите, поволното прифаќање на жртвата на Авел, која била „подобра“, се објаснува со верата на Авел, со која тој „примил сведоштво дека е праведен“ (Евр. 11:4). Апостол Јован рекол дека Каин го убил својот брат затоа што неговите дела биле зли, а на Авел биле праведни (1. Јованово 3:12). Преподобен Ефрем Сирин (IV век) верувал дека жртвата на Каин не била направена од љубов, туку од небрежност, и затоа била отфрлена.Преподобный Ефрем Сирин. Толкование на книгу Бытия. // rusbible.ru. Свети Јован Златоуст нагласил дека жртвата на Авел е „од првите плодови на стадото“, додека Каин принел само „жртва од плодовите на земјата“ без да ги спомене првите плодови.Иоанн Златоуст. Беседы на книгу Бытия. Беседа XVIII.
Во христијанската традиција, Авел се смета за првиот маченик и првиот прогонет праведник.
Наводи
Надворешни врски
Битие 4 на македонски
__СОСОДРЖИНА__ __ИНДЕКС__
Категорија:Библија Категорија:Адам и Ева Категорија:Личности од Стариот завет Категорија:Библиски личности Категорија:Личности од книгата Битие