Free ― англиска рок-група основана во Лондон во 1968 година. Основачки членови на групата биле: Пол Роџерс (пејач), Пол Кософ (гитара), Енди Фрејзер (бас, пијано) и Сајмон Кирке (тапани). Најпознати песни од групата се: „All Right Now“ и „Wishing Well“. Иако нивните концерти и турнеи биле масовно посетувани, немале успех во продажбата сѐ до нивниот трет студиски албум, Fire and Water (1970), на кој се наоѓала песната „All Right Now“. Успехот на песната им овозможил настап на фестивалот Isle of Wight во 1970 година, каде што свиреле пред публика од 600 000 луѓе. На почетокот од 1970-тите станала една од најпродаваните британски блуз-рок групи. До пред распаѓањето продале преку 20 милиони плочи и одржале над 700 концерти. „All Right Now“ и понатаму е дел од R&B и рок репертоарите.
Енди Фрејзер ја напуштил групата во 1972 година и ја основал групата Sharks. Пред да се распадне во 1973 година, Free снимиле уште еден албум, Heartbreaker; Пол Роџерс и Сајмон Кирке потоа ја основале многу поуспешната рок-супергрупа Bad Company. Пол Кософ во 1973 година ја основал Back Street Crawler, но починал од белодробна емболија на 25-годишна возраст во 1976 година. Енди Фрејзер починал на 16 март 2015 година на 62 години.
Според Ролинг Стоун, Free се „британски пионери на хард-рок музиката“. Списанието го ставило Роџерс на 55-то место на списокот од „100 најдобри пејачи на сите времиња“, а Кософ на 51-во место на списокот од „100 најдобри гитаристи на сите времиња“.
Дискографија
Tons of Sobs (1969) Free (1969) Fire and Water (1970) Highway (1970) Free at Last (1972) Heartbreaker (1973)
Наводи
Надворешни врски
Официјална страница на Фејсбук Официјален канал на YouTube Официјална веб-страница на ARN Рецензии за албумот Planet Mellotron Концертен преглед од јануари 1973 година
Категорија:Музички групи основани во 1968 година Категорија:Музички групи распаднати во 1973 Категорија:Англиски хард рок групи Категорија:Музички групи од Лондон Категорија:Англиски блуз-рок групи Категорија:Англиски квартети Категорија:Музички групи основани во 1972 година