Шарлот Ема Ајчисон (англ. Charlotte Emma Aitchison; родена на 2 август 1992 година), професионално позната како Charli XCX (транскрипција: Чарли Екс-си-екс) ― англиска пејачка и текстописец.
Стекнала популарност преку соработката со шведското дуо Icona Pop на песната „I Love It", која станала светски хит. Нејзиниот прв албум, True Romance (2013), добил позитивни оценки од критичарите, но слабо се продавал. Во 2014 година, придонела како пејачка во песната „Fancy" од австралиската раперка Иги Азејлија, која била меѓу најпродаваните синглови за таа година и била номинирана за две Греми-награди.
Нејзиниот петти студиски албум, Crash (2022), станал нејзин прв албум кој се искачил на прво место на Британската топ-листа за албуми. Во 2024 година, Charli XCX го издала нејзиниот шести студиски албум, Brat, кој бил високо оценет од критиката. Песната „Guess“ во соработка со Били Ајлиш станал прв нејзин сингл како главен изведувач кој се искачил на прво место на топ-листата за синглови во Велика Британија.
Покрај соло-кариерата како пејачка, Чарли XCX била котекстописец на песни за други музичари, вклучувајќи ги: „Beg for It“ од Иги Азалеа (2014), „Same Old Love“ од Селена Гомез (2015), „Tonight“ од Блонди (2017), дуетот на Шон Мендес и Камила Кабело „Señorita“ (2019) и соработката на Сигала и Рита Ора „You for Me“ (2021). Во 2024 година ја добила наградата „ASCAP Global Impact Award“ како признание за нејзиниот придонес во поп-музиката.
Живот и кариера Шарлот Ема Ајчисон е родена на 2 август 1992 година во Кембриџ. Нејзината мајка е од Уганда, но со индиско потекло, а татко ѝ е Шкотланѓанец.
Таа често раскажувала за нејзините потешкотии на училиште, каде била „полуиндиско девојче“ кое било малтретирано и дискриминирано поради индиската физиономија. Уште како мала покажала афинитет кон музиката, а најмногу ги сакала Спајс Грлс и Бритни Спирс. Почнала да пишува песни на 14-годишна возраст.
2008–2013: Почетоци на кариерата На 14-годишна возраст, Ејчисон ги убедила нејзините родители да ѝ позајмат пари за да го сними нејзиниот прв албум, 14. На почетокот од 2008 година, на нејзината официјална страница на Myspace, почнала да објавува песни од албумот и многу други други демо-снимки. На 18-годишна возраст, Чарли се преселила во Лондон за да студира во школата за ликовни уметности „Слејд“ при Универзитетскиот колеџ во Лондон. Се откажала додека била втора година од студиите.
Во 2010 година, Charli XCX потпишала договор со Asylum Records. Во интервју за Гардијан, Чарли XCX рекла дека се чувствувала изгубено: „Сè уште бев на училиште, штотуку излегов од чуднава рејв-сцена и навистина не бев сигурна што да направам со тоа. И кога потпишав ја мразев поп-музиката; Сакав да творам лоша рап-музика, не знаев што ми се допаѓа“. Во мај и ноември 2011 година, ги издала сингловите „Stay Away“ и „Nuclear Seasons“, соодветно, и го привлекла вниманието од музичката веб-страница Pitchfork, каде што за двете песни ги добила признанијата за „Најдобра нова песна“. мини|Charli XCX настапува на фестивалот Позитивус во 2013 година Започнала да соработува со шведскиот продуцент Патрик Бергер, кому му напишала две песни; од едната произлегла песната „I Love It“, а од другата „You're the One“. Charli XCX изјавила дека не издала „I Love It“ самата, бидејќи не одговарала на нејзиниот стил на музика. Во 2012 година, шведското дуо Icona Pop ја снимило песната и ја објавила како сингл користејќи го нејзиниот глас. Песната станала меѓународен хит. Во јуни, ја издала песната „You're the One“ како сингл од нејзиниот истоимен мини-албум, по кој следел и нејзиниот прв микс „Heartbreaks and Earthquakes“.
Нејзиниот прв албум, <i id="mw4Q">True Romance</i>, бил објавен во април 2013 година. Се искачил на 85-то место на топ-листата за албуми во Обединетото Кралство, на петто место на Билбордовата топ-листа „Нeatseekers“ и на 11-то место на австралиската топ-листа за албуми. Албумот бил добро прифатен од музичките критичари, добил оценка од 76/100 на Metacritic што укажува на „претежно поволни критики“.
2013–2015: Пробив на музичката сцена и албумот Sucker лево|мини| Charli XCX на наградите од ARIA во 2014 година Кон крајот на 2013 година, „SuperLove“ бил издаден како водечки сингл од тогаш ненасловениот втор студиски албум. Додека го пишувала албумот, направила дополнителни сесии со фронтменот од Weezer, Риверс Куомо, со Ростам Батманглиј од Vampire Weekend, продукциското дуо Stargate, Џон Хил и една сесија со д-р Лук.
На почетокот од 2014 година Charli XCX била гостин-пејач на песната „Fancy" од австралиската раперка Иги Азалеа; песната се искачила на врвот на американската топ-листа за синглови Billboard Hot 100, што бил прв таков успех и за двете пејачки. Во овој период Charli XCX пишувала песни и за други музичари како: „Beg for It" од Иги Азалеја, „OctaHate" од Рајн Вивер, материјали за изведувачи како: Sky Ferreira, Neon Jungle, Ријана и Гвен Стефани. Во август 2014 година била објавена песната „Break the Rules" како водечки сингл од нејзиниот нов албум, Sucker, кој пак бил објавен во декември. Дебитирал на 28-мо место американската топ-листа за албуми Billboard 200, со што Чарли за прв пат се пласирала на таа топ-листа. Третиот сингл од албумот, „Doing It", бил во соработка со британската пејачка Рита Ора и бил објавен во февруари 2015 година.
2015–2018: Експериментален период На 23 февруари 2016 година било објавено дека Чарли основала експериментална поп издавачка куќа, Vroom Vroom Recordings, и дека на 26 февруари 2016 година ќе објави мини-албум под наслов Vroom Vroom. Исто така било најавено дека ќе биде домаќин на сопствена емисија под наслов The Candy Shop. Vroom Vroom означил остра промена во тонот во споредба со нејзиниот претходен албум и добил поделени критики. мини|Чарли XCX на Греми наградите во 2017 година На 10 март 2017 година, Charli XCX го објавила микстејпот, Number 1 Angel, во кој гостувале само пејачки вклучувајќи ги: MØ, Raye, Starrah, Uffie, Abra и Cupcakke.
Следниот микс, Pop 2, бил објавен на 15 декември 2017 година, со соработки со: Карли Реј Џепсен, Туве Лу, Алма, Керолајн Полачек, Брук Кенди, Cupcakke, Пабло Витар, Доријан Електра, Ким Петрас, Џеј Парк и МØ. Во мај 2018 година, Чарли XCX и Камила Кабељо почнале да настапуваат како воведни изведувачи на турнејата „Reputation“ од Тејлор Свифт.
2018–2022: Издавање на албумите: Charli, How I'm Feeling Now и Crash На 5 октомври 2018 година, Charli XCX го издала синглот „1999“ како главен сингл од нејзиниот трет албум Charli; песната била соработка со австралискиот пејач Трој Сиван. Charli XCX придонела за албумот од MØ, Forever Neverland, со песната „If It's Over“.
Албумот Charli бил издаден на 13 септември 2019 година. Му претходеле сингловите: „1999“ со Трој Сиван, „Blame It on Your Love“ со Лизо и „Gone“ со Christine and the Queens. Првиот промотивен сингл, „Cross You Out“ со Скај Фереира бил издаден на 16 август, по кој следувале: „Warm“ со Haim (30 август); „February 2017“, со Клаиро и Јаеџи (6 септември); и „2099“ со Трој Сиван (10 септември).
Во сред пандемијата од КОВИД-19, Charli XCX најавила нов албум под наслов How I'm Feeling Now, кој бил објавен на 15 мај 2020 година. На албумот му претходеле сингловите: „Forever", „Claws" и "I Finally Understand". Албумот бил напишан и снимен во период од шест недели за време на карантинот поради КОВИД-19. Преку нејзиниот профил на Инстаграм Чарли се советувала со обожавателите додека го правела албумот и официјално ги објавувала верзиите кои ќе добиеле најмногу гласови. Според Metacritic, албумот заедно со Pop 2 се смета за најпознат проект на Charli XCX досега.мини|Charli XCX настапува на Primavera Sound во 2022 Петтиот студиски албум од Чарли XCX, Crash, бил издаден на 18 март 2022 година. На албумот му претходеа четири сингла: „Good Ones“, „New Shapes“ со Christine and the Queens и Керолајн Полачек, „Beg for You“ со Рина Савајама, „Baby “ и два промотивни сингла: „Every Rule“ и „Used to Know Me“, последниот издаден како петти сингл во април 2022 година. Песните од албумот содржеле елементи на поп-музиката од 80-тите и 90-тите, а меѓу другите, Чарли ја навела Џенет Џексон како музичко влијание за албумот.
2023 - денес: Издавање на албумот Brat По објавувањето на Crash, Charli XCX придонела за саундтракот од три филма, објавувајќи ги сингловите „Hot Girl“, од саундтракот за филмот Bodies Bodies Bodies од 2022 година и „Speed Drive“ од саундтракот за филмот „Барби“ од 2023 година. Таа исто така била ко-композитор заедно со Лео Биренберг за филмот Bottoms од 2023 година.
„Von Dutch", водечки сингл од шестиот албум на Charli XCX, Brat, бил објавен на 29 февруари 2024. На 10 мај бил објавен вториот сингл од албумот, „360". Албумот бил објавен на 7 јуни 2024. Албумот црпел влијание од англиската рејв-музичка сцена од 2000-тите, со поагресивен клупски звук за разлика од нејзиниот претходен албум. Brat бил дочекан со општо распространето признание од критичарите; добил оценка од 95 на Metacritic, највисоко оценет албум за 2024 и со тоа станал меѓу 20-те највисоко оценети албуми на Metacritic на сите времиња. Песната „Guess" прво била издадена на делукс изданието од Brat, насловено како Brat and It's the Same but There's Three More Songs So It's Not. Ремиксот на песната во соработка со Били Ајлиш дебитирал на врвот на UK Singles Chart. Песната „Apple" била издадена како сингл од албумот откако претходно станала вирална на ТикТок. Charli XCX исто така била извршен продуцент за саундтракот од филмот Мајка Марија (англ. Mother Mary) и за серијата Overcompensating.
Ремикс-албумот, под наслов Brat and It's Completely Different but Also Still Brat, бил објавен на 11 октомври 2024 година. На албумот гостувале пејачи како: Аријана Гранде, Кеша, Керолајн Полачек, Тинаше, Џон Хопкинс, Bon Iver и други. Содржел и претходно објавени соработки со: Адисон Реј, Робин и Yung Lean, Лорд, Били Ајлиш и Трој Сиван. Charli XCX била именувана за американски амбасадор на козметичкиот бренд Valentino Beauty во октомври 2024. На 6 декември 2024, Financial Times ја прогласил Чарли за една од највлијателните жени во 2024 година.
Дискографија
True Romance (2013) Sucker (2014) Charli (2019) How I'm Feeling Now (2020) Crash (2022) Brat (2024)
Наводи
Надворешни врски
Најдобрите песни од Charli XCX (BBC Radio 1)
Категорија:Добитници на NME награда Категорија:Англиски кантавтори Категорија:Англиски кантавторки Категорија:Англиски поп-пејачки Категорија:Живи луѓе Категорија:Родени во 1992 година Категорија:Статии со hCards Категорија:Статии со краток опис Категорија:Поп-панк пејачи Категорија:Пејачи од Кембриџ Категорија:Експериментални поп-музичари Категорија:Англиски електронски музичарки Категорија:Англичани со индиско потекло Категорија:Англичани со шкотско потекло Категорија:Англиски феминисти Категорија:Електропоп-музичари Категорија:Денс-поп музичари Категорија:Британски синт-поп музичари