Џон Лестер Неш Помладиот (англиски: John Lester Nash Jr.; 19 август 19406 октомври 2020) ― американски реге и поп-пејач. Негова најпозната песна е „I Can See Clearly Now“ (1972) и бил еден од првите музичари кои не потекнуваат од Јамајка кои снимале реге-музика во Кингстон.
Живот и кариера Џон Неш бил роден на 19 август 1940 година во Хјустон. Кариерата како поп-пејач ја започнал кон средината на 1950-тите, а од 1956 година пеел на радио и телевизиските емисии Артур Годфри во период од седум години. Неш трипати бил во брак и имал две деца.
Откако потпишал со ABC-Paramount, прв сингл на Неш со голема издавачка куќа бил „A Teenager Sings the Blues“ (1957). Негов прв хит на топ-листите била преработката на песната од Дорис Деј "A Very Special Love" (1958). Бил промовиран како ривал на Џони Матис. На почетокот од неговата кариера глумел и во филмови појавувајќи се во екранизираната верзија на Направи џиновски чекор (1959) од драматургот Луис С. Петерсон. За улогата, на Филмскиот фестивал во Локарно, Неш ја освоил наградата „Сребрено едро“.
Во 1965 година се преселил во Јамајка. Во 1966 или 1967 година, Невил Вилоби го одвел Неш на растафаријанска забава каде што настапувале Боб Марли и The Wailing Wailers. Боб Марли го запознал Неш со локалната музичка сцена.
Во 1967 година, Неш, Артур Џенкинс и Симс основале нова издавачка куќа, JAD Records.
Реге-синглот од Неш од 1972 година „I Can See Clearly Now“ бил продаден во над еден милион примероци. Песната се искачила на прво место на Billboard Hot 100 каде се задржала четири недели. Албумот „I Can See Clearly Now “ содржел четири оригинални композиции од Марли објавени од JAD.
Неш, исто така, бил композитор за шведскиот романтичен филм Сакате толку многу да верувате (шведски:Vill så gärna tro) (1971), во кој го глумел “Роберт“. Филмскиот саундтрак бил кокомпониран од Боб Марли и аранжиран од Фред Џордан.
JAD Records престанала да постои во 1971 година, но била возобновена во 1997 година од американскиот специјалист за Марли, Роџер Штефенс и францускиот музичар и продуцент Бруно Блум.
Неш починал од природна смрт на 6 октомври 2020 година, по период на влошено здравје. Имал 80 години.
Дискографија
Албуми Извор: AllMusic
Johnny Nash (1958) I Got Rhythm (1959) Quiet Hour (1959) Let's Get Lost (1960) Starring Johnny Nash (1961) Composer's Choice (1964) Hold Me Tight (1968) Prince of Peace (1969) Let's Go Dancing (1969) Teardrops in the Rain (1972) I Can See Clearly Now (1972) My Merry-Go-Round (1973) Celebrate Life (1974) Tears on My Pillow (1975) What a Wonderful World (1977) Let's Go Dancing (1979) Here Again (1986)
Наводи
Надворешни врски
Категорија:Американски пејачи и пејачки од 21 век Категорија:Американски пејачи и пејачки од 20 век Категорија:Пејачи од Тексас Категорија:Починати во 2020 година Категорија:Родени во 1940 година Категорија:Американски реге-музичари Категорија:Пејачи од Хјустон Категорија:Американски поп пејачи