десно|мини| Маргарита Австриска. десно|мини| Луиза Савојска. Камбрескиот договор, познат и како или („Мирот на дамите“), бил договор склучен на 3 август 1529 година со кој завршила француската вмешаност во војната на Коњачката лига помеѓу францускиот крал Франсоа I и шпанскиот хабсбуршки император Карло V. Договорот привремено ја потврдил шпанската (хабсбуршка) хегемонија во Миланското Војводство и во Јужна Италија.Encarta-encyclopedie Winkler Prins (1993–2002) s.v. "Margaretha [Nederlanden] § Margaretha van Oostenrijk". Microsoft Corporation/Het Spectrum.
Мирот бил договорен и потпишан во Камбре од две дами: Маргарита Австриска - застапувајќи го царот Карло и Луиза Савојска - застапувајќи го кралот Франсоа.
Договорот го обновил Мадридскиот договор (1526), освен што не барал предавање на Бургундија на Карло.
Позадина Камбрескиот мир му ставил крај на француското учество во војната на Коњачката лигата, која траела од 1526 година. Потпишан бил во градот Камбре, центарот на кнежевството-епископија во Холандија (денешниот француски департман Норд).
Овој договор се нарекувал и „Дамски мир" бидејќи жените одиграле важна улога во неговата подготовка: мајката на Франсоа I, Луиза Савојска, и тетката на императорот, Маргарита Австриска. Тие ги претставувале двата монарси во преговорите, а голема улога во ова достигнување имала и Маргарита Наварска.
Услови Според условите на мирот потпишан во Камбре, Франсоа се откажал од своите претензии за италијанските земји, Артоа и Фландрија, но ја задржал Бургундија, која Карло V ја напуштил. Договорот предвидувал враќање на Дофин Франсоа и принцот Хенри, идниот Хенри II, во Франција во замена за откуп од 2 милиони еку. Франсоа I ја потврдил својата согласност да се ожени со сестрата на Карло, Елеонора Австриска, со која и се оженил на 7 јули 1530 година.Leonie Frieda. Francis I: The Maker of Modern France
Ефекти Камбрескиот договор заедно со Барселонскиот договор (помеѓу императорот и папата), кој бил склучен во јуни,Michael Mallet, Christine Shaw. The Italian Wars 1494–1559: War, State and Society in Early Modern Europe значел распаѓање на Коњачката лига; само Фиренца продолжила да се бори против Карло, што завршило со опсада и предавање на Фиренца во 1530 година. Сепак, условите за мир не го задоволиле Франсоа кој во 1536 година започнал нов конфликт помеѓу Франција и Хабсбуршката империја.
Наводи
Библиографија
Arfaioli, Maurizio. The Black Bands of Giovanni: Infantry and Diplomacy During the Italian Wars (1526–1528). Pisa: Pisa University Press, Edizioni Plus, 2005. . Baumgartner, Frederic J. Louis XII. New York: St. Martin's Press, 1994. . Black, Jeremy. "Dynasty Forged by Fire." MHQ: The Quarterly Journal of Military History 18, no. 3 (Spring 2006): 34–43. Blockmans, Wim. Emperor Charles V, 1500–1558. Translated by Isola van den Hoven-Vardon. New York: Oxford University Press, 2002. Guicciardini, Francesco. The History of Italy. Translated by Sydney Alexander. Princeton: Princeton University Press, 1984. . Hackett, Francis. Francis the First. Garden City, New York: Doubleday, Doran & Co., 1937. Taylor, Frederick Lewis. The Art of War in Italy, 1494–1529. Westport, Conn.: Greenwood Press, 1973. .
Надворешни врски Камбрески мировен договор во Енциклопедија Британика
Категорија:Мировни договори