Хајди е британски семеен филм од 2005 година, режиран од Пол Маркус. Заснован е на иконскиот роман „Хајди“ од 1881 година на Јохана Шпири и во главната улога игра ирската детска глумица Ема Болгер, покрај Макс фон Сидов и Диана Риг.

Заплет Хајди, весела девојка, е однесена да живее со својот дедо во Швајцарските Алпи. Таа станува блиска пријателка со Петер, пастир на кози, и поминува голем дел од времето со момчето и неговите кози на отворено.

Хајди е испратена во богатото семејство Сесеман во Франкфурт, да биде ангажиран придружник на Клара Сесеман, инвалид. Строгата домаќинка, фрау Ротенмајер, ги гледа нарушувањата во домаќинството што ги предизвикува Хајди како нејзино непочитување и ја става Хајди под зголемени ограничувања. Хајди станува несреќна и бледа. Единственото нејзино забавување е учењето да чита и пишува, мотивирана од мислата да се врати дома и да ѝ чита на слепата баба на Петер. Бабата на Клара ја посетува и станува пријателка на Хајди.

Потоа Хајди се разболува сериозно, а возрасните и дозволуваат да се врати кај нејзиниот дедо. Хајди и Клара остануваат во контакт и разменуваат писма. Лекарот на Клара, верувајќи дека свежиот планински воздух и здравата дружба ќе и направат добро, препорачува Клара да ја посети Хајди. Клара повторно ја посетува следната сезона и поминува прекрасно лето со Хајди, станувајќи посилна со козјо млеко и свеж воздух. Петер, љубоморен на пријателството меѓу Хајди и Клара, ја турка празната количка на Клара низ планината. Количката се уништува. Додека ја враќа количката за Клара, Хајди речиси паѓа во провалија. Клара брза да ја спаси и открива дека може да оди. Нејзината баба и татко се исполнети со радост, а лекарот ветува дека ќе се грижи за Хајди кога нејзиниот дедо повеќе нема да може да го прави тоа.

Улоги

Ема Болгер како Хајди Макс фон Сидов како дедо Џералдин Чаплин како Ротенмаер Дијана Риг како баба Полин Меклин како тетка Дете Сем Френд како Питер Џесика Клариџ како Клара Дел Синот како Себастијан Кели Ширли како Тинет Роберт Батурст како г-дин Сесеман Оливер Форд Дејвис како д-р Класен Керолин Пег како Бриџит Џесика Џејмс како баба Александар Мајна како момче од Франкфурт Карл Џонсон како Старец

Производство Саундтракот е компонирана од Џоселин Пук. Планинските сцени се снимени најмногу во Јулиските Алпи во Словенија, сцените од Франкфурт во Љубљана и селските сцени во Нит и Ланели, Велс. Куќата Сесеман во Франкфурт била снимена во замокот Страдеј во Ланели.

Категорија:Филмови од 2005 година