Formularium Slovenicum е словенечки додаток на Европската фармакопеја, кој ја промовира словенечката фармацевтска терминологија и прописите што влијаат врз полето на фармацијата во Словенија. Редовно го објавува Агенцијата за лекови и медицински помагала на Република Словенија.
Словенија нема своја фармакопеја, односно збирка монографии и други одредби кои содржат законски обврзувачки прописи во врска со развојот, производството и проценката на квалитетот на лековите и нивните состојки, како и други информации за медицинските производи и нивната употреба. Од 1997 година, во Словенија е во сила Европската фармакопеја. Усогласувањето на одредбите од националното право во областа на лековите со прописите на Европската фармакопеја ја наметна потребата од словенечки додаток на Европската фармакопеја. Комитетот за изготвување на националниот додаток при Канцеларијата за лекови на словенечкото Министерство за здравство го издаде првото издание на Formularium Slovenicum во јуни 1998 година. Следеле неколку амандмани и ажурирани изданија, иако работата на комитетот што го подготвувал Formularium Slovenicum била прекината помеѓу 2013 и 2018 година.
Formularium Slovenicum ги дополнува стандардите на Европската фармакопеја и обезбедува преводи на наслови, целосни преводи на главните монографии или нивни поединечни делови и преводи на општи поглавја. Поглавјето „Национални монографии“ содржи интересни и корисни монографии за словенечката фармацевтска практика кои не се вклучени во Европската фармакопеја. Го вклучува и поглавјето „Стандардни услови за фармацевтски форми, методи на администрација и контејнери“. Formularium Slovenicum игра важна улога во изготвувањето, развојот и промовирањето на словенечките фармацевтски термини.
Изданија Првото издание било проследено со бројни измени и ажурирани изданија:
Прво издание – јуни 1998 година, шест амандмани Второ издание – 2005 година, пет амандмани Трето издание – 2011 година, два амандмани Четврто издание - август 2018 година, еден амандман (само онлајн) Петто издание - август 2020 година (само онлајн)
Наводи
Надворешни врски
Категорија:Здравство во Словенија Категорија:Фармација во Словенија