Миљенко Лицул (6 август 1946 – 16 март 2009 година) бил словенечки графички дизајнер со хрватско потекло.(Slovenian) Тој бил еден од најистакнатите графички дизајнери во независна Словенија.
Живот и работа Лицул бил роден во истарскиот град Водњан, кој тогаш бил дел од СФРЈ (денешна Хрватска). Неговите родители биле Хрвати од Истар. Во младоста се преселил во Словенија и таму живеел и работел поголемиот дел од својот живот.
Бил основач на групата Знак и водач на студијата Зодијак и Диптих. Извесно време Лицул предавал типографија на Академијата за ликовни уметности и дизајн во Љубљана. Работата на Лицул опфаќала широк спектар на уметности; од дизајнирање публикации, постери и корици на списанија до поштенски марки и календари.
Еден од неговите најистакнати моменти во кариерата била во 1991 година, кога победил на натпреварот за дизајнирање на новата словенечка валута, толарот. На банкнотите, кои биле во оптек од октомври 1991 година до крајот на 2006 година, биле прикажани портрети на истакнати словенечки личности, кои биле дело на сликарот Руди Шпанзел. Кога Словенија го усвоила еврото како нивна национална валута, Лицул ја дизајнирал националната страна на словенечките евро монети, заедно со Маја Лицул и Јанез Бољка. Лицул и Бољка заедно дизајнирале и толарски монети.
Покрај националната валута, Лицул дизајнирал и неколку официјални документи, како словенечки пасош, лична карта и картата за здравствено осигурување. Неговите други дела вклучуваат дизајнирање на нова графичка слика за словенечката национална галерија.
Награди За својот опус, Лицул бил награден со повеќе награди. Во 1985 година ја добил наградата на Фондацијата Прешерен за неговите достигнувања во графичкиот дизајн. Во 1988 година Лицул ја добил наградата Плечник, што е највисока награда во областа на дизајнот, архитектурата и урбанистичкото планирање во Словенија. Во 2008 година е награден со Прешереновата награда, највисоката словенечка национална награда во областа на уметноста, заедно со преведувачот Јанез Градишник. Во таа прилика било докажано дека делата на Лицул се најквалитетни и дека тој е меѓу авторите кои го обновиле строго модернистичкиот стил од 1970-тите, без да ги изостави историските обележја.
Наводи
Категорија:Добитници на Прешерновата награда Категорија:Апсолвенти на Љубљанскиот универзитет Категорија:Починати во 2009 година Категорија:Родени во 1946 година