Tin Roof Blues (се чита: Тин руф блуз, од англ. Блуз од лимен покрив) — џез-композиција од New Orleans Rhythm Kings, првпат снимена во 1923 година. Напишана била од членовите на бендот Пол Марес, Бен Полак, Мел Стицел, Џорџ Брунис и Леон Рополо. Мелодијата станала џез-стандард и е една од најсниманите и често свирените џез композиции во Њу Орлеанс.
Звучните снимки од 1923 година од песната влегле во јавна сопственост во Соединетите Американски Држави во 2024 година.
Заднина лево|мини| Издание од Џенет Рекордс од 1923 година New Orleans Rhythm Kings првпат ја снимиле композицијата на 13 март 1923 година за Џенет Рекордс во Ричмонд, Индијана. Постојат три зачувани алтернативни снимки од композицијата од оваа сесија. Алтернативните снимки биле создадени како дел од процесот на снимање и изработка на фонографски плочи, но музичарите не очекувале да бидат објавени различни верзии. Солата на плочите содржеле помалку импровизација отколку поголемиот дел од подоцнежниот џез, но повеќе од пораниот џез. Солата на Брунис и Рополо биле изведени слично, но значително различно на секоја од трите изведби. Брунис продолжил да го свири солото од најпознатата верзија на снимката на ЊОРК до крајот на својата кариера.
Нотното издание било објавено од музичката компанија „Мелроуз Брадерс“ во Чикаго, компанија која била основана од Волтер Мелроуз, кој ги напишал текстовите за песната, и неговиот брат, Лестер Мелроуз. Насловната страница на нотното издание била илустрација на танц-салата „Тин Руф Кафе“ на Вашингтон авенијата во Њу Орлеанс. Композиторите биле членовите на бендот Џорџ Брунис, Пол Марес, Бен Полак, Леон Рополо и Мел Стицел.
Значајни снимки Луис Армстронг и Ол старс ја снимиле песната за Колумбија Рекордс. Други значајни снимки биле направени од Џели Рол Мортон во 1924 година, Тед Луис, Џо „Кинг“ Оливер и неговите Дикси Синкопаторс во 1928 година, Винги Манон, Сидни Беше, Томи Дорси, Реј Ентони, Ал Хирт, Џони Минс, Реј Прајс, Рој Елдриџ, Фил Наполеон, Херб Елис, Тед Хит, Флојд Крамер и Хари Коник Џуниор.
Луис Армстронг — Калифорниските концерти (1955) Сидни Беше — 1949 Херб Елис со Стен Гец и Рој Елдриџ — Ништо освен блузот (1957) Ал Хирт со Пит Фонтен — На балот на џез-групата (1957) Џели Рол Мортон – пијано рол, 1924 Њу Орлеанс Ридм Кингс — 13 март 1923 година Кинг Оливер – 1928 Лу Ватерс и неговиот Јерба Буена џез-група — 1950 Пет Јенки, вокал во џез-групата на Турк Мерфи, 1961 година
Наводи
Литература
Категорија:Песни од 1923 Категорија:Список на џез стандарди од 1920-тите Категорија:Џез-композиции