мини|Икона „Второто пришествие“, Грција, ок. 1700 г. Второ Христово пришествие или Парусија (грчки: [Δευτέρα] Παρουσία — [второ] доаѓање, пристигнување, присуство) — во христијанската религија ја означува идејата за враќањето на Исус Христос на земјата на крајот од човечката историја и доаѓањето на Божјото Царство. Второто пришествие често се поврзува и со Страшниот (последниот) суд.

Библијата не наведува конкретен ден на кој ќе се случи Второто пришествие, но дава јасни знаци и настани што му претходат. Целта на Второто пришествие е да се воспостави Царството Божјо на земјата и да нема повеќе болка, тага и глад.

Во Библијата

Во Стариот завет Некои од пророштвата во Стариот завет за „Денот Господов“ (Денот на Јехова) во христијанската традиција исто така се поврзуваат со Второто пришествие.„Пред нив ќе се затресе земјата, ќе се разниша небото; сонцето и месечината ќе се затемнат, а ѕвездите ќе го изгубат својот сјај. И Господ ќе го издаде Својот глас пред Своето воинство, зашто многу е големо Неговото множество и моќен е Оној што ја исполнува Неговата реч; зашто голем е Денот Господов и многу страшен. Кој ќе го истрпи?“

— Јоил 2:10–11

Во Новиот завет Темата за Второто Христово пришествие е застапена низ многу пророштва во Новиот завет. И самиот Исус Христос повеќепати зборува за Своето второ пришествие (Мт. 16:27; 24:27; 25:31; Мк. 8:38; Лк. 12:40), а за тоа сведочат и апостолите (1. Јн. 2:28; 1. Кор. 4:5; 1. Сол. 5:2–6), па така тоа било општо уверување на Црквата во сите времиња и влезено е речиси во сите древни симболи на верата.

Литература

Васильев П. П. Второе пришествие Христово // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. (руски) Henry Wansbrough. The New Jerusalem Bible (1990). Doubleday. . Paramahansa Yogananda. The Second Coming of Christ: The Resurrection of the Christ Within You. Self-Realization Fellowship, 2004. . C. S. Lewis. (1960). The World's Last Night and Other Essays. Harcourt Brace Jovanovich. .

Наводи

Надворешни врски

"Lecture XV: On the Clause, And Shall Come in Glory to Judge the Quick and the Dead; Of Whose Kingdom There Shall Be No End."

Категорија:Библиски изрази Категорија:Христијанска есхатологија Категорија:Христијански поими Категорија:Исламски поими Категорија:Исламска есхатологија Категорија:Идни настани Категорија:Прво послание на апостол Јован