Марко Кизиќ (р. , ) — македонски ракометен голман кој настапува за РК Алкалоид и македонската репрезентација. Тој е познат по своите брзи рефлекси, сигурност под притисок и способност за клучни одбрани во најважните моменти.
Животопис Кизиќ започнал да тренира ракомет на 10-годишна возраст, најпрвин како лев бек, но подоцна преминал на позицијата голман. Се развивал низ младинските категории на РК Вардар, каде што на 18 години дебитирал во ЕХФ Лига на шампиони, опишувајќи го тоа како „сон кој станал реалност“.
Клупска кариера
РК Вардар 1961 (2018–2021) Во 2018 година, Кизиќ бил промовиран во првиот тим на РК Вардар, со кој ја освоил Лигата на шампиони во сезоната 2018/19. Бил дел и од освојувањата на Суперлигата, Купот на Македонија и Суперкупот. Особено се истакнал во натпреварот против РК Мешков Брест, каде направил пет клучни одбрани во 15 минути и добил признание за најдобра одбрана на колото.
РК Еурофарм Пелистер (2021–2024) Во 2021 година, Кизиќ потпишал за РК Еурофарм Пелистер и станал прв голман на тимот. Со клубот освоил две титули во Суперлигата (2023, 2024) и настапувал во ЕХФ Европска лига и ЕХФ Лига на шампиони. Во февруари 2023, во меч против РК Агуаш Санташ, направил клучна одбрана во последна секунда за реми 27–27, која подоцна беше вклучена во Топ 5 на ЕХФ. Во ноември 2023, беше прогласен за МВП на колото со 26 одбрани против РК Голден Арт.
РК Алкалоид (2024–) Кизиќ преминал во РК Алкалоид на 25 јули 2024 година. Веднаш оставил значаен впечаток, предводејќи го тимот до титула во Суперкупот и настапувајќи во ЕХФ Европски куп, каде во финалето против РК АЕК Атина остварил 10 одбрани во првиот натпревар. Вториот натпревар бил регистриран службено 10–0 за Алкалоид поради неодигрување од страна на АЕК, со што Кизиќ ја освои својата втора европска титула. Во април 2025, направил три последователни одбрани против РК Тиквеш 2014, момент што бил прикажуван на спортските насловни страници.
Репрезентативна кариера Кизиќ дебитирал за македонската репрезентација во 2019 година и оттогаш редовно настапува на големите натпреварувања. На Светското првенство 2025, направил 15 одбрани против Гвинеја. Во јуни 2025, бил награден со државна спортска пензија како признание за освојувањето на Лигата на шампиони и придонесот кон македонскиот спорт.
Награди и одликувања
Клупски
РК Вардар 1961 Македонска Ракометна Супер Лига Победник (2): 2018/19, 2020/21 Куп на Македонија Победник (1): 2021 Второ место (1): 2019 Суперкуп на Македонија Победник (1): 2019 ЕХФ Лига на шампиони Победник (1): 2018/19 СЕХА лига Победник (1): 2018/19 Второ место (1): 2019/20 IHF Суперглоб Трето место (1): 2019
РК Еурофарм Пелистер Македонска Ракометна Супер Лига Победник (2): 2022/23, 2023/24 Второ место (1): 2021/22 Куп на Македонија Второ место (3): 2022, 2023, 2024 Суперкуп на Македонија Победник (2): 2021, 2022 Второ место (1): 2023
РК Алкалоид Суперкуп на Македонија Победник (1): 2024 ЕХФ Европски Куп Победник (1): 2024/25
Поединечни МВП на 10-то коло во Македонската ракометна супер лига: 2023 Добитник на државна спортска пензија за спортски достигнувања: 2025
Наводи
Надворешни врски Профил на ЕХФ Профил на ИХФ Официјална страница на РК Алкалоид
Категорија:Живи луѓе Категорија:Македонски ракометари Категорија:Ракометари од Скопје Категорија:Родени во 2001 година Категорија:Македонски спортисти