Островот Матаура — земјоделска заедница во Саутленд, Нов Зеланд. Се наоѓа близу источниот брег на долниот тек на реката Матаура. И покрај неговото име, тој повеќе не е остров. Островот Матаура се наоѓа на околу 40 километри источно од главниот град во регионот, Инверкаргил, и 15 километри јужно од градот Едендејл, на рамнините Аваруа и близу до западниот раб на планините Кетлинс.
Во времето на првото населување во средината на 19 век, реката Матаура течела источно од локалитетот. Раниот доселеник Томас Ајсон проширил поток кој течел на запад во канал за наводнување што се поврзувал со Матаура на двата краја. Поплавите во 1878 година резултирале со пренасочување на реката Матаура надолу по каналот и израмнување на ново корито, а местото станало вистински остров, со делови од реката што течеле од двете негови страни. Стариот тек на реката сега е блокиран од насипи на северниот (спротиводно) крај.
Денес, островот Матаура е мала заедница каде што се одгледуваат овци и се работи претежно со млечни производи. До 1990-тите, на тоа место се наоѓала презвитеријанската црква, која била основана во 1900 година, и фабрика за сирење и млечни производи, која работела од 1890-тите до 1970-тите.
Образование Матаурското островско училиште било основано во 1890 година и затворено во 1998 година.
Наводи
Категорија:Поранешни острови Категорија:Нов Зеланд