Расел Хауланд, роден Расел Шарп Хауланд (; Новинџер, 19 јули 1908 — Фресно, 3 мај 1995) — американски текстописец, композитор, диригент и професор. Познат по неговите композиции со дрвени дувачки инструменти. Меѓу неговите најпознати песни е „Mood Mauve“ — експериментална песна со елементи од џез и класична музика.
Животопис Расен Хауланд е роден на 19 јули 1908 година во градот Новинџер, дел од сојузничката држава Мисури. Неговиот татко се викал Вилијал Алберт Хауланд и неговата мајка Мари Ада Хауланд (моминско: Шарп).Russell Sharp Howland од Ancestry Неговото семејство потекнува од емигранти од Велика Британија.Russell Sharp Howland од WikiTree Од млада возраст се занимавал со дувачки инструменти, најмногу со кларинетот. На дванесетта годишна возраст неговите родители се преселиле во Кирксвиле, Мисури. Во 1930-тите за неговото више образование отидол во Њујорк Сити. Но, незадоволен со условите, одлучил да учи во Илиноискиот универзитет.Russell S. Howland од Wingert-Jones publicationRussell S. Howland од Valley Music Hall of Fame Во 1933 година, кога станал апсолвент, Хауланд ја компонирал песната „Mood Mauve“.
Откако дипломирал почнал да работи како професор по музика во Висконсин. Во почетокот на 1940 година се преселил во Гријли, Колорадо. Таму се запознал со неговата жена Ана Максин Хауланд (момиско: Китц). На 27 август 1941 година се оженил со Ана Китц. Брзо после тоа бил свикан во американската војска да учествува во Втората светска војна. Во 1944 година се враќа во Њујорк. Меѓу 1945 и 1947 година работи како професор за дрвени дувачки инструменти во Универзитетот на Мичиген.
Во 1948 година, под иницијатива од неговата колега Артур Бердаши, Хауланд се преселил во Фресно, Калифорнија заедно со неговото семејство. Таму се вработил во Фресненскиот универзитет. Хауланд таму станал значаен професор по музика. Како школски диригент тој предводел различни училишни бендови, хорови и оркестри.
Во 1950 година го основал кларинетското-хорско движење каде изразил желба да се зголеми употребата на кларинетот во музиката. Во 1956 година стапил во Фресненскиот саксафонски квартет.
Во 1974 година бил во списокот на топ 10 најдобри професори по музика во Соединетите Американски Држави и Канада. Во 1975 година бил вменат во калифорнискиот „Hall of fame“ и Valley Music Hall of Fame за музички професори и диригенти. Во истата година Хауланд се пензионирал но сепак продолжил делумно да работи во универзитетот. На 3 мај 1995 година починал.
Музички дела
„Mood Mauve“ „Sinfonia From Christmas Oratorio“ „Scene and Dance From Marriage Of Figaro“ „Saltarello from Symphony No.4“ „O Sacred Head“ „Minuet“ „Impresario Overture“ „En Bateau From Petite Suite Clarinet Choir“ „Ballet“ „Three Baroque Dances“ „Serenade Op 44 1st Mvt - Score“ „Serenade Op 44 1st Mvt“ „Brandenburg Concerto No. 3“
Наводи
Категорија:Американски диригенти Категорија:Родени во 1908 година Категорија:Починати во 1995 година Категорија:Американски музичари од 20 век Категорија:Американски џез-музичари Категорија:Американски текстописци Категорија:Американски класични музичари Категорија:Американски композитори Категорија:Американски композитори на класична музика Категорија:Американски саксофонисти