The Hidden (македонски: Скриениот), познат и како The Hidden: Source — повеќеиграчки бесплатен мод создаден за популарната компјутерска игра Half-Life 2. Начинот на игра се сосредоточува на пронаоѓање на избеган истражувачки субјект, кој е исклучително подвижен, неверојатно силен и речиси невидлив. Првата бета-верзија била издадена на 13 јуни 2005 г., а последната верзија на 8 септември 2007 г.
Играчки процес Играта се заснова на екипа од командоси на I.R.I.S. што ловат еден единствен играч, наречен Скриениот (англ. The Hidden). Додека екипата на I.R.I.S. мора да се потпре на своите оружја и заедничка работа, Скриениот е речиси невидлив и поседува сосема поинаков комплет оружја.
Членот на I.R.I.S. што ќе го убие Скриениот ја добива привилегијата самиот да игра како Скриениот во следната рунда. Тој може да победи ако успее да ја убие целата екипа на I.R.I.S. Системот за појавување на играчите е многу сличен на оној во Counter-Strike, па убиените играчи мораат да чекаат до крајот на рундата за повторно да се појават. Скриениот, откако ќе убие противник, може да го изеде и на тој начин да ја врати животната енергија.
Суштински дел од играта е стравот. Бидејќи Скриениот може да се забележи само преку лесно прекршување на светлината, може да ги гледа своите противници низ ѕидовите и може да се придвижува по таваните, членовите на I.R.I.S. мораат да бидат сосредоточени во секое време.
Единиците на I.R.I.S. имаат избор помеѓу две класи на игра: напаѓачка класа и помошна класа. Покрај тоа, тие мораат да изберат главно оружје, вторично оружје и дополнителна опрема. Приказна Британски научници и генетичари успеале да ја пренасочат светлината околу органски субјект, така што тој станува невидлив за човечкото око. За жал, овој процес води до силни и постојани болки кај испитаникот, што вообичаено завршува со губење на контактот со стварноста.
Досега било невозможно да се одржи во живот субјект со способност за пренасочување на светлината. Нивниот пробив, познат само како Субјект 617, избегал, а екипата на I.R.I.S. била испратена да го елиминира. Од неговото бегство, финансирањето е значително зголемено, но британската влада негирала каква било вмешаност во генетскиот опит.
Наводи
Надворешни врски
Матична страница
Категорија:Пукачки игри од прво лице Категорија:Игри за Windows __СОСОДРЖИНА__ __ИНДЕКС__