Вавилонска/Бабилонска кула () — претставува мит кој објаснува зошто луѓето во светот зборуваат различни јазици. Кулата исто така е поврзана и со изградбата на градот Вавилон, каде се наоѓала кулата.
Кулата според Библијата
Според Библијата по Потопот, човечкото општество го претставувало еден народ, кој говорел на еден јазик. Од исток народот се насочил кон земјата Шинар (на долниот тек на Тигар и Еуфрат), и го изградиле градот (Вавилон) и една висока кула до небото „за да си создадаат свое име“. Градбата на кулата била прекратена од страна на Бог, кој го „помешал“ јазикот на народот, поради кое тие престанале да се разбираат еден помеѓу друг. Народот на Вавилон не можел да продолжи со изградбата на кулата бидејќи се распрснале по целата земја што дотогаш ја познавале. Така историјата за Вавилонската кула ја објаснува појавата на различните јазици по Потопот.
Овие податоци датираат околу 2 000 години п.н.е.. Самата градба има многубројни митолошки паралели.
Кулата според јудаизмот thumb|right|200px|Смешување на јазиците - Гистав Доре
Многу иследувачи легендата за градбата на Вавилонската кула ја поврзуваат со изградбата на храмови-кули во овој регион. Кулите се исто така нарекувани и зикурати. Врвовите на самите кули служеле за религиозни обреди како и за астрономски истражувања. Вавилонската кула претставува највисокиот зикурат (91 метри), кој се наоѓал во Вавилон. Кулата се нарекувала Етеменанки односно „дом, помеѓу небото и земјата“. Асирскиот цар Синахериб во 689 година п.н.е. го преземал Вавилон и Етеменанки започнал да се руши. Зикуратот бил повторно обновен во времето на Навуходоносор II. По уништувањето на Јудеја, евреите се преселиле во Вавилон. И покрај тоа што до ден денеска не е докажано, се смета дека самите евреи учествувале во градбата на Вавилонската кула.
Самата градба на Вавилонската кула е поврзано со негативниот однос на евреите кон Вавилон како и тогашното гледиште на населението на Вавилон за што е можно повеќе доближување до Бог. Градот во текот на столетијата бил политички и воен противник на јудаизмот. Во Библијата, Вавилон станал симбол на гревот.
Занимливости
Зградата на Европскиот парламент е поврзана со формата на неизградената вавилонска кула. Многу христијани овој факт го гледаат кон стремежот на Европејците кон бунт со Бога. ЕУ исто така многу често се поврзува со Вавилонската кула поради постоењето на многу службени јазици (23 од 1 јануари 2007), со кое дополнително се создаваат проблеми во комуникацијата.
Вавилонската кула како тема во уметноста „На Кулата вавилонска“ - песна на полската поетеса Вислава Шимборска.Savremena poljska poezija. Beograd: Nolit, 1964, стр. 189. „Вавилонската кула“ (шпански: Babylonian Tower) — песна на израелската рок-група Минимал компакт (Minimal Compact) од 1982 година.Minimal Compact – One By One (пристапено на 21.11.2024)
Наводи
Надворешни врски
"Tower of Babel." Encyclopædia Britannica Online. Babel In Biblia: The Tower in Ancient Literature by Jim Rovira Our People: A History of the Jews – The Tower of Babel Livius.org: The tower of Babel Book of Genesis, Chapter 11 "The Tower of Babel and the Birth of Nationhood" by Daniel Gordis at Azure: Ideas for the Jewish Nation SkyscraperPage – Tower of Babel , Tower of Babel – Baruch HERBARIUM Art Project. Anatomy of the Tower of Babel. 2010 The International Standard Bible Encyclopedia (ISBE), James Orr, M.A., D.D., General Editor – 1915 (online ) Easton's Bible Dictionary, M.G. Easton M.A., D.D., published by Thomas Nelson, 1897. (online ) Hitchcock Bible Names Dictionary (online ) Nave Topical Bible, Orville J. Nave, AM., D.D., LL.D. (online ) Smith's Bible Dictionary (1896) (online )
Категорија:Библиски изрази Категорија:Вавилон Категорија:Кули Категорија:Битие (библиска книга)