Опсада на Коринт (италијански: L'assedio di Corinto; во оригиналната француска верзија: Le siège de Corinthe) — опера во три чина од Џоакино Росини.

Операта првично била поставена на француско либрето од Луиџи Балоки и Александар Суме, и била базирана на преработка на дел од музиката од операта на Росини од 1820 година за Неапол, Мехмет II, чие италијанско либрето било напишано од Чезаре дела Вале.

„Опсада на Коринт“ била првата опера на Росини напишана на француски јазик и за прв пат била изведена во Салата „Пелетие“ на Париската опера на 9 октомври 1826 година. Таа потоа станала популарна низ цела Европа во нејзиниот италијански превод од 1828 година, од Калисто Баси.

Историја на композиција

Операта ја одбележува опсадата и конечното уништување на градот Мисолонги во 1826 година од страна на турските трупи за време на Грчката војна за независност (1821–1829). Истиот инцидент – осуден низ цела Западна Европа поради суровоста – исто така инспирирал една истакната слика од Ежен Делакроа (Грција исчезнува во урнатините на Мисолонги) и била спомената во списите на Виктор Иго. Споменувањето на Коринт е пример за алегорија, иако султанот Мехмед II навистина го опседнал градот во текот на 1450-тите години. Поемата на Лорд Бајрон од 1816 година насловена „Опсадата на Коринт“ има многу мала врска со операта во однос на нејзината содржина.

Лист напишал „Вовед и варијации“ за пијано врз основа на марш од оваа опера. Ова дело се било сметано за изгубено или погрешно насловено сè до 1976 година, кога воведот го открила Ненси Б. Рајх во библиотеката на Менхетенвилскиот колеџ.

Наводи Белешки Извори Gossett, Philip; Brauner, Patricia (2001), "Le siège de Corinthe" in Holden, Amanda (ed.), The New Penguin Opera Guide, New York: Penguin Putnam. Osborne, Charles (1994), The Bel Canto Operas of Rossini, Donizetti, and Bellini, Portland, Oregon: Amadeus Press. Osborne, Richard, Rossini (1990), Ithaca, New York: Northeastern University Press. Osborne, Richard (1998), "Le siège de Corinthe", in Stanley Sadie, (Ed.), The New Grove Dictionary of Opera, Vol. Four. pp. 364 – 65. London: Macmillan Publishers, Inc. Toye, Francis (re-issue 1987), Rossini: The Man and His Music, Dover Publications, 1987. , Warrack, John and West, Ewan (1992), The Oxford Dictionary of Opera, 782 pages,

Надворешни врски

Категорија:Опери Категорија:Опери на француски јазик Категорија:Опери на Џоакино Росини