десно|мини|250x250пкс|Лаумонтитни кристали Лаумонтит — минерал од зеолитната група. Неговата молекуларна формула е , и претставува хидриран калциум-алуминиум силикат. Калиумот или натриумот можат да го заменат калциумот, но само во многу мали количини.
Тој е моноклиничен и има просторна група C2/m. Формира призматични кристали со дијамантски пресек и аголен завршеток. Кога е чист, тој е безбоен или бел. Нечистотиите може да го обојат портокалово, кафеаво, сиво, жолтеникаво, розово или црвеникаво. Има совршено расцепување на и , а неговото кршење е конхоидно. Тој е многу кршлив, неговата тврдост на Мосовата скала е 3,5-4. Има стаклест сјај и бел пресек. Се наоѓа во хидротермални наслаги оставени во варовнички карпи, често формирани како резултат на секундарна минерализација. Меѓу видовите карпи кои го содржат се: базалт, андезит, метаморфни карпи и гранити. Се формира на температура од околу 100 °C (212 °F) и станува нестабилен над околу 150 °C, па затоа неговото присуство во седиментните карпи укажува дека тие доживеале средна дијагенеза.
Идентификацијата на лаумонтитот датира од раните денови на минералогијата. Првпат бил именуван ломонит од Р. Џејмсон (Систем на минералогија) во 1805 година, а бил именуван лаумонит од Рене Жист Ауј во 1809 година. Сегашното име му го дал К.Ц. фон Леонард (Handbuch der Oryktognosie) во 1821 година. Бил именуван по Жиле де Ламон, кој собрал примероци од рудници за олово во Иелгоат, Бретања, што претставува негова типична локација.
Ламонтитот лесно дехидрира кога се складира во средина со ниска влажност. Кога е свежо собран, ако веќе не е изложен на околината, може да биде проѕирен или транспарентен. Во период од часови до денови, губењето на вода го претвора во непроѕирно бела боја. Во минатото, овој вид се нарекувал леонхардит, иако ова не е валиден минерален вид. Дехидрираниот лаумонтит е многу ронлив, честопати паѓа во прав при најмал допир.
Тоа е вообичаен минерал, кој се наоѓа низ целиот свет. Може да биде локално изобилен, формирајќи шевови и вени. Често се поврзува со други зеолити, особено стилбитот и хеуландитот. Значајни наоѓалишта се Индија; Патерсон, Њу Џерси; Пајн Крик, Калифорнија; Исланд; Шкотска; и Заливот Фанди, Нова Шкотска. Прехнитни псевдоморфи по ломонтитот (епиморфи) биле пронајдени во Индија.
Наводи
Извори
Mindat Laumontite Webmineral Laumontite IMA Zeolite Classification
Надворешни врски Structure type LAU
Категорија:Луминисцентни минерали Категорија:Моноклински минерали Категорија:Минерали на алуминиумот Категорија:Минерали на калциумот