Crimson Desert (, македонски: Крвавоцрвена пустина) — акционо-авантуристичка игра со улоги од 2026 г., развиена и објавена од студиото Pearl Abyss. Првично планирана како предисторија на Black Desert Online, играта во текот на развојот прераснала во независен наслов. Била објавена за macOS, PlayStation 5, Windows и Xbox Series X/S на 19 март 2026 г. Играта добила главно потврдни одзиви и се продала во три милиони примероци во првата недела од објавувањето.
Играчки процес Crimson Desert е акционо-авантуристичка игра чие дејство се одвива на отворениот свет на измислениот континент Пајвел — средновековна фантазија зафатена од бројни судири и таинствени сили. Играчите го управуваат Клиф, член на платеничката група „Сиви гриви“, додека патува низ свет населен со сопернички фракции, митски суштества и тајни сили.
Играта се одликува со динамичен систем за борба придвижуван од сопствениот погон BlackSpace Engine, кој сврзува борба одблиску, комбо-напади и стратешки пристап. Играчите можат да учествуваат во борби на коњи, да се соочуваат со огромни босови (како змејови) и да користат широк опсег на оружја и способности засилени со елементарни ефекти.
Покрај борбата, играта нуди и разновидни активности како риболов, готвење, изработка на предмети и лов, што им овозможува на играчите да општат со светот и надвор од битките. Отворениот свет на Пајвел е направен да биде беспрекорен и извонреден, поттикнувајќи го истражувањето и заемодејството со неговите жители и околината.
Приказна Дејството на Crimson Desert ги следи Клиф и неговите соборци од групата „Сиви гриви“ — Унгка, Јан и Наира — за време на период на превирања на континентот Пајвел. Крвната рамнотежа е нарушена по разорниот напад врз „Сивите гриви“ од страна на нивните заколнати непријатели и соперничка фракција, „Црните мечки“.
Во текот на судирот што следува, многу членови на „Сивите гриви“ се убиени, а Клиф и преживеаните соборци се принудени да се разделат. Приказната се сосредоточува на патешествијата на Клиф да се обедини со своите другари, повторно да ги изгради паднатите „Сиви гриви“ и да се соочи со водачот на „Црните мечки“, Мјурдин.
Наводи
Надворешни врски
Категорија:Видеоигри со отворен свет Категорија:Игри за Windows Категорија:Игри за Mac OS X Категорија:Игри за PlayStation 5 Категорија:Игри за Xbox Series X/S