Рита Ижак-Ндијае (родена 1980 година во Сексард, Унгарија) — експерт за човекови права и дипломат. Работела на човекови и младински права во разни невладини организации, во унгарската влада и во меѓународни организации. Таа била специјален известувач на Обединетите нации за прашања на малцинствата помеѓу 2011 и 2017 година, била член и известувач на Комитетот на Обединетите нации за елиминација на расната дискриминација од 2018 до 2022 година. Во 2021 и 2022 година, била личен претставник на претседателот на ОБСЕ за деца и безбедност. Од есента 2022 година, таа е висок советник за антирасизам во Програмата за развој на Обединетите нации .
Ран живот и кариера Мајката и на Ижак-Ндијаје е од ромско потекло, а семејството на нејзиниот татко било принудно преселено во 1947 година од Чехословачка, сегашна Словачка, во Унгарија во рамките на трансферите на население по Втората светска војна поради нивната унгарска етничка припадност. Уште од универзитетските години, Ижак-Ндијаје работела на малцинските и човековите права, инспирирана од искуствата на нејзиното семејство и нејзините сопствени со дискриминацијата. Магистрирала по право на Католичкиот универзитет „Пазмани Петер“ во Будимпешта, Унгарија.
Таа ја презела улогата на специјален известувач на Обединетите нации за прашања на малцинствата на 1 август 2011 година, откако била назначена од Советот за човекови права на ОН, позиција која била обновена во 2014 година и која ја држела до 31 јули 2017 година. За време на нејзиниот мандат, Ижак-Ндијае ја водела работата на Форумот на ОН за прашања на малцинствата, подготвувала годишни тематски и извештаи за земјите до Советот за човекови права на ОН и Генералното собрание (вклучително и за системите за кривична правда, целите за одржлив развој, спречувањето на масовните злосторства, говорот на омраза, правата на религиозните и јазичните малцинства итн.). Таа извршувала официјални мисии во Босна и Херцеговина, Камерун, Нигерија, Бразил, Украина, Република Молдавија и Ирак. Таа се залагала за заштита на малцинствата во Ирак, Колумбија, Шри Ланка, и Камерун, како и на хомосексуалците во Молдавија. На 27 состанок на државите-членки на Меѓународната конвенција за елиминација на сите форми на расна дискриминација (ICERD) во 2017 година, таа била избрана за членка на Комитетот на Обединетите нации за елиминација на расната дискриминација (CERD), позиција што ја презела на 20 јануари 2018 година со мандат од четири години.
Наводи
Категорија:Ромски политичари
Категорија:Унгарски дипломати Категорија:Родени во 1980 година