Џулиус Обоно Палмер Помладиот (1 март 1840 - 11 јануари 1899) бил најзапаметен во историјата по неговата поврзаност со хавајската кралица Лилиуокалани. Роден бил во старо, воспоставено семејство од Масачусетс кое се ориентирало околу конзервативниот христијански начин на живот. Неговиот татко бил успешен бизнисмен и политичар, исто така имал 2 браќа, едниот брат бил христијански свештеник, а другиот брат бил професор на Универзитетот Харвард. Како млад човек, тој го избрал животот на морнар, посетувајќи голем дел од светот и станувајќи мултилингвист. Откако се пензионирал како морски капетан, подоцнежните години ги посветил на истражување на здравствените придобивки од јадливите габи.
Палмер и Лилиуокалани првпат се сретнале на дипломатски бал во Хонолулу, кога тој бил морски капетан со привремен престој. Таа била млада, а тој сè уште немал ни 30 години. Во текот на следните неколку децении, нивните патишта продолжиле да се вкрстуваат. Палмер сметал дека Хавајците биле предмет на мисионерска нетрпеливост, и двапати бил испратен на Хаваи од страна на американските весници за да ги покрие политичките настани што се одвивале по соборувањето на Кралството Хаваи. Ова мислење го ставило во позиција да биде цел на исмејување и малтретирање од страна на оние што се залагале за анексијата, меѓу кои биле и повеќето од етаблираните весници на Хаваи.
Откако Лилиуокалани излегла од затвор го регрутирала Палмер како личен асистент кога била на резиденција во Бостон и Вашингтон, протестирајќи против анексијата на Хаваи. Тој станал нејзин официјален портпарол, стенограф и секретар кој ѝ помагал во литературно издаваштво и нејзин верен сојузник. Таа, пак, го нарекувала човек со „беспрекорна чест и интегритет“.
Дела
Габи
Книги од Хаваи
Наводи
Категорија:Родени во 1840 година Категорија:Миколози Категорија:Починати во 1899 година Категорија:Ботаничари со авторски кратенки